23
Tue, Jan

ලංකාවේද ඉන්දියාවේද පැරීසියේද වෙනසක් නැත. මේ සමාජ ආර්ථික ක්‍රමයට පැලැස්තර මිස විසදුම් නැත.

ගෙවල් කුලී ගෙවිමට බැරි නිසා දරැකියා සොයා ගැනිමට අපහසු නිසා ද බොහෝ දෙනා අද පැරිසියේ විදිවල තම ජීවිතය ගෙවන්නේය.

ජනතා විමුක්ති පෙරමුණේ අශෝක රන්වල සහෝදරයාට සපුගස්කන්ද පොලීසිය අමානුෂික ලෙස පහරදීමත්, ඔහු අසත්‍ය චෝදනා එල්ල කර රක්ෂිත බන්ධනාගාරගත කිරීමත් හෙළ දැකීමට සියල්ලන් එක් විය යුතුය. පොලීසිය විසින් අත්අඩංගුවට ගන්නා ලද තරුණයෙකුට පොලීසිය විසින් පහරදීමේ සිද්ධියකට මැදිහත් වීමට සපුගස්කන්ද පොලීසියට ගිය අවස්ථාවේදී මෙම මර්දනීය සිද්ධිය සිදුවී තිබේ. රන්වල සහෝදරයාට පහර දුන් පොලීසිය පොලිස් ස්ථානාධිපතිවරයාට තර්ජනය කිරීමේ චෝදනාවක් එල්ල කර ඔහු අත්අඩංගුවට ගෙන අධිකරණයට ඉදිරිපත් කර රක්ෂිත බන්ධනාගාරගත කර තිබේ. පොලීසියේ මර්දනකාරී ක්‍රියා පිළිවෙත එක ප්‍රශ්නයකි. පොලීසියෙන් පහර කා රෝහල්ගතව සිටින කෙනෙකු ඇප ලබා නොදී බන්ධනාගාරගත කිරීමට අධිකරණය ගෙන තිබෙන තීන්දුව තවත් ප්‍රශ්නයකි. මෙම රාජ්‍ය ආයතන වල නිලධාරීන් නීතිය තමන්ට අවශ්‍ය ලෙස නවමින් අත්තනෝමතික ලෙස සිය බලය ජනතාවට එරෙහිව යොදවමින් සිටින බවට මෙය කදිම නිදසුනකි.


පොලීසිය, අධිකරණය වැනි ආයතන වලින් ජනතාවගේ ප්‍රජාතන්ත්‍රීය අයිතීන්ට එල්ල වන තර්ජන ඉවත් කිරීම පසුගිය ජනාධිපතිවරණයේ සහ මහමැතිවරණයේ වේදිකා දෙවනත් කළ යහපාලන පොරොන්දුවකි. ඒ සඳහා යෝජනා කෙරුණේ 19වන ව්‍යවස්ථා සංශෝධනය හරහා ඊනියා ස්වාධීන කොමිෂන් සභා පිහිටුවීමයි. මෙම කොමිෂන් සභා මගින් පොලීසිය, අධිකරණය වැනි ආයතන වලට එල්ල වන දේශපාලන මැදිහත්වීම් ඉවත් කරන බවට මතයක් නිර්මාණය කළ අතර සිදුකළ ප්‍රතිසංස්කරණ හරහා නිලධාරී තන්ත්‍රය බලාත්මක කෙරිණි. දේශපාලන බලපෑමේ අවකාශයද සම්පූර්ණයෙන් අහෝසි නොවිණි. අපගේ අදහස වුයේ දේශපාලන තන්ත්‍රය බලවත්වීම තරමටම නිලධාරී තන්ත්‍රය බලවත් වීමද ප්‍රජාතාන්ත්‍රික අයිතීන්ට හානිකර බවය. නමුත් පාලක ස්ථාපිතයේ සියලු කොටස් 19 වන ව්‍යවස්ථා සංශෝධනය මහා ප්‍රජාතන්ත්‍රවාදී ප්‍රතිසංස්කරණයක් බවත්, දැන් පොලීසිය-අධිකරණය වැනි ආයතන මර්දන උපකරණ නොව මහජන සේවා ආයතන බවත්, පොලිස්පති ආදී නිලධාරීන් පාර්ලිමේන්තු ව්‍යවස්ථා මණ්ඩලය විසින් පත් කරන ලද නිසා ඔවුන් මධ්‍යස්ථ ජනතා සේවකයන් වී ඇති බවත් පුන පුනා මතුරණ ලදී. මෙවැනි සිදුවීම් වලින් අනාවරණය වන්නේ එම මැතිරිලි වල නිරුවතයි.


පොලීසිය ඇතුළු මර්දන ආයතන වල දේශපාලන පක්ෂපාතී බවත්, ඒවායේ ප්‍රජාතන්ත්‍ර විරෝධී බවත්, නිලධාරීවාදී අත්තනොමතිකත්වයත් පිලිබඳ සමාජයට අධ්‍යාපනය ලබා දීමට මෙම සිදුවීම් උපයෝගී කර ගන්නා අතරම ප්‍රජාතාන්ත්‍රික අයිතීන් වෙනුවෙන් ජනතා හඬක්, ජනතා බලයක් ගොඩ නැගිය යුතුය.

ලබන 2018 වසරට අදාලව පාසල් පෙළපොත් මුදලට විකිණීම රජය විසින් ආරම්භ කර ඇත. ඊට විරෝධයක් දක්වමින් “පාසල් පෙළපොත් විකිණීම නවතනු” යන සටන්පාටය යටතේ අන්තර් විශ්වවිද්‍යාලයීය ශිෂ්‍ය බල මණ්ඩලය විසින් කැදවූ උද්ඝෝෂණය අද (28)දින දහවල් 12.00ට ඉසුරුපාය අධ්‍යාපන අමාත්‍යාංශය ඉදිරිපිටදී පැවැත්විණි.

පහත පළ වන්න්‍ෙ එම අවස්ථාව‍ෙ සේයා සටහන්ය.

2018 ජනවාරි 07 වන දින

සභාපති,

ශී‍්‍ර ලංකා මැතිවරණ කොමිෂන් සභාව

මැතිවරණ මහ ලේකම් කාර්යාලය

සරණ මාවත

රාජගිරිය.

සභාපතිතුමනි,

අගමැති ප‍්‍රමුඛ එ.ජා.ප නායකත්වය මැතිවරණ නීති උල්ලංඝණය කිරීම

මෙම පැමිණිල්ල ලියන මොහොත වන විට (උදය 10.15 සිට) පළාත් පාලන මැතිවරණය සඳහා තරග වදින ප‍්‍රධාන පක්ෂයක් වන එක්සත් ජාතික පක්ෂයේ විශේෂ සමුළුවක් යැයි බොරැල්ල කැම්බල් පිටියේ අද (ජනවාරි 07) දින පැවැත්වෙන මැතිවරණ ප‍්‍රචාරක රැළියක කටයුතු රාජ්‍ය මාධ්‍යයන් වන ශී‍්‍ර ලංකා ජාතික රූපවාහිනිය හා ස්වාධීන රූපවාහිනිය මගින් විකාශනය කෙරෙන්නේය.

මෙම විශේෂ සමුළුව යැයි නම් කෙරෙන පළාත් පාලන මැතිවරණ රැළිය ඇමතූ පක්ෂයේ ප‍්‍රධාන ලේකම් කබීර් හෂීම් ඇමතිවරයා පළාත් පාලන මැතිවරණ ප‍්‍රකාශය ගැනත් ප‍්‍රචාරක අත් පති‍්‍රකා ගැනත් කතා කළ අතර, ඊළගට කොළඹ මහ නගර සභාවට එ.ජා.පයෙන් නගරාධිපති ධූරයට තරග වදින රෝසි සේනානායක මහත්මියගේ සමස්ථ කතාවම මැතිවරණ පොරොන්දු ඇතුළත් ප‍්‍රචාරක කතාවක් විය.

මෙම රැළිය ඇමතූ අගමැති රනිල් වික‍්‍රමසිංහට අනුව මෙය පළාත් පාලන අපේක්ෂකයින් සහභාගි වන්නාවූ විශේෂ සමුළුවකි.

එබැවින් විශේෂ සමුළුව යැයි පැවැත්වෙන මේ ප්‍රෝඩාකාරී මැතිවරණ රැළිය ප‍්‍රචාරණය සඳහා අගමැතිවරයා සහ පක්ෂයේ ප‍්‍රධාන ලේකම් රාජ්‍ය සම්පත් තම පක්ෂය වෙනුවෙන් යොදා ගැනීමක් නොවේ යැයි ඔබටද කිව නොහැක.

මේ අයුරු ඉතා විවෘතව හා නිර්ලජ්ජීව මැතිවරණ නීති ශී‍්‍ර.ල.නි.ප සභාපති වන ජනාධිපති සිරිසේන විසින්ද උල්ලංඝණය කළ බැව් මීට ඉහතින් පසුගිය දෙසැම්බර 28 වන දින ඔබ වෙත මෙවැනිම ලිඛිත පැමිණිල්ලක් ඉදිරිපත් කළ අතර එයට කිසිදු ප‍්‍රතිචාරයක් ඔබගෙන් නොලැබුණු බැවින් නැවත ජනවාරි 04 වන දින සිහිකැඳවීමක් ලෙස තවත් ලිපියක් යොමු කළෙමි.

එළෙසින්ම මෙම පැමිණිල්ලද ඔබ අමතක කරනු නොඅනුමානය. එසේ වූවත් මෙය ඔබ වෙත යොමු කරනුයේ මෙම මැතිවරණ නීති උල්ලංඝණයට එරෙහිවද ඔබ කිසිදු පියවරක් නොගන්නේ නම්, ඔබ සහ ඔබ වගකීම් දරන්නාවූ මැතිවරණ කොමිසම මේ යහපාලන ආණ්ඩුවේ පැහැදිලි අතකොළුවක් බැව් ඔප්පු කෙරෙන බවට පූර්ව දැනුම්දීමක් කිරීම වෙනුවෙනි.

ස්තුගියි.

මෙයට විශ්වාසී,

කුසල් පෙරේරා

ස්වාධීන මාධ්‍යවේදී

මාස 5ක් වැනි ඉතා කෙටි කාලයක් තුළ පර්පෙචුවල් ට්‍රෙෂරීස් සමාගම විසින් රුපියල් බිලියන 11,145 ක් උපයා ඇති බව ජනාධිපතිවරයා පවසයි.

ශ්‍රී ලංකා මහ බැංකු බැඳුම්කර නිකුත් කිරිම සම්බන්ධයෙන් සොයා බැලීම සඳහා පත් කරන ලද ජනාධිපති විමර්ශන කොමිසම් සභාවේ වාර්තාව පිළිබඳ විශේෂ ප්‍රකාශක් සිදු කරමින් (03) සවස ජනාධිපතිවරයා විසින් මේ බව කියා සිටියේය.

බැඳුම්කර කොමිසමේ වාර්තාව 2015-2016 අතුරු වාර්තාවක් නොව එය පිටු 1257 කින් යුත් වාර්තාවක් ලෙස කොමිසම විසින් ඉදිරිපත් කර ඇති බව ද ජනාධිපතිවරයා පැවසීය.

ඉදිරියේ දී අපරාධ හා සිවිල් නඩු පැවරීම අපරාධ පරීක්ෂ දෙපාර්තමේන්තුව හා අල්ලස් දූෂණ කොමිසම හරහා සිදුවිය යුතු බව කොමිසම් වාර්තාවේ සඳහන් වෙයි.

අර්ජුන් මහේන්ද්‍රගේ හා බැංකු නිලධාරීන්ගේ සහයෝගයෙන් පර්පෙචුවල් ට්‍රෙෂරීස් සමාගම නීතියානු නොවන ආකාරයෙන් මුදල් ඉපැයු බව මෙහි සඳහන් වෙයි.

2015 පෙබරවාරි 27 වෙන්දේසියෙන් පමණක් මෙම සමාගම රුපියල් මිලියන 680කට වැඩි ප්‍රමාණයක් සඳහන් වෙයි.

මීට වැඩි වීමක් ද සිදුවිය හැකි බව එහි සඳහන්ය.

ද්වීතිය වෙළඳ පොළේ පර්පෙචුවල් සමාගම අවම වශයෙන් ලබා ඇති වාසිය මිලියන 11,145 ක් බවද රජයේ අලාභය රුපියල් මිලියන 8529 හෙවත් බිලියන 8.5ට වැඩි බව වාර්තා වෙයි.

මහබැංකු අධිපතිවරයා ඉදිරියේ මහ බැංකු ජ්‍යේෂ්ඨ නිලධාරීන් අක්‍රිය වීම නිසා සාවද්‍ය ස්ථාවරයන්ට එළඹී ඇතැයි කොමිසමේ සඳහන්.

මහේන්ද්‍රන් මහතා අසම්මත හා සාවද්‍ය අන්දමින් තීරණ ගැනීමේ ක්‍රියාවලියක් තුළින් බැඳුම්කර වෙන්දේසියට මැදිහත් වී ඇති බවත් වාර්තාවේ සඳහන් වෙයි.

මේ තුළින් එක්තරා පාර්ශවයකට වාසි හිමිවු බවත් මහේන්ද්‍රන් මහතා මහබැංකු අධිපතිධූරයට පත් කිරීම සම්බන්ධයෙන් අගමැතිවරයාගේ ක්‍රියාවලිය විධිමත් බවත් අදාළ වාර්තාවේ සඳහන් වෙයි.

මහේන්ද්‍රන් මහතා විසින් දෙන ලද පොරොන්දු මත විශ්වාසය දක්වා ඇති බවත් අගමැතිවරයාට එසේ නොකර සිටීමට තිබුණු බව ද සඳහන් වෙයි.

මහල් නිවාසයක් මිලදී ගැනීම සම්බන්ධයෙන් රවී කරුණානායක මහතාට විරුද්ධව අල්ලස් දුෂණ පනත යටතේ නඩු පැවරිය යුතු බවත් කොමිසම් සභාවට අසත්‍ය කරුණු දැක්වීම හේතුවෙන් දණ්ඩ නීති සංග්‍රහය යටතේ නඩු පැවරිය යුතු බව මෙම වාර්තාවේ සඳහන් වෙයි.

අදාළ පාර්ශවයන්ගේ ක්‍රියා හේතුවෙන් සේවක අර්ථක සාධක අරමුදලේ මුදල් අවභාවිතයට මඟ පැදී ඇති බැවින් ඊට අදාළ පුද්ගලයින් හඳුනාගෙන ඇති අතර, ඔවුන්ට එරෙහිව ක්‍රියා කළ යුතු බව ද කොමිසම සඳහන් කරයි.

දඩුවම් ලබා දීම සඳහා පර්පෙචුවල් ‍ට්‍රෙෂරීෂ් සමාගම, අර්ජුන් ඇලෝෂියස්, කසුන් පළිහේන යන මහත්වරුන්ට හා වාර්තාවේ හඳුනාගෙන ඇති අනෙකුත් වගකීම් දරණ නිලධාරින්ට එරෙහිව අපරාධ හා සිවිල් නීති කෘතියන්ට එළඹීමට යෝජනා කරන අතර එය රජයට පියවා ගැනීමට කටයුතු කරන ලෙසද වාර්තාවේ දැක්වෙයි.

මෙම තත්ත්වය ඉදිරියේදී ඇති වීම වළවක්වා ගැනීමට ලියාපදිංචි කොටස් සුරැකුම් පත් අඥා පනත නව නීතියක් මඟින් වෙනස් කළ යුතු බවත්, මුදල් මණ්ඩල සාමාජිකයින් හා මහබැංකු අධිපති පත්කිරීම ව්‍යවස්ථාදායක සභාවේ අනුමැතිය මත සිදු කිරීමට අදාළ රෙගුලාසි වෙනස් කළ යුතු බව ද මෙම වාර්තාවේ සඳහන් වෙයි.

මහබැංකුවේ නීති දෙපාර්තමේන්තුවක් පිහිටුවා එය වඩාත් කාර්යක්ෂම කළ යුතු බව ද වාර්තවේ සඳහන් වෙයි.

2008-2015 දක්වා නිකුත් කළ භාණ්ඩාගාර නිකුතු ගැන බැලීමට කොමිසමට අයිතියක් නොතිබුණ ද එවැන්නක් සිදු කිරිම යෝග්‍ය බව ද කොමිසම දන්වා සිටියි.

පෑන් ඒෂියා බැංකුව සමඟ සිදු කර ඇති ගනුදෙනු හා එහි හිටපු සභාපතිවරයාගේ ක්‍රියාකලාපය ද පරීක්ෂණයට ලක් කළ යුතු බව ද කොමිසම දන්වා සිටියි.

සිවිල් නීතිය මඟින් මුදල් අය කර ගැනීමට කල් ගත වෙන බැවින් පාර්ලිමේන්තුවේ පනතක් ඉදිරිපත් කර ඒ තුළින් වේගවත්ව අදාළ මුදල් අය කර ගැනීමේ හැකියාවක් ඇති බව කොමිසම පවසා ඇති බවත් ජනාධිපතිවරයා ඒ සඳහා එකඟතාවය පළ කරන බවත් පැවසීය.

කොමිසම පවත්වාගෙන යෑමට දරණ ලද සියලුම පිරිවැය පර්පෙචුවල් ට්‍රෙෂරීස් සමාගම විසින් අය කර ගත යුතු බව ද කොමිසමේ නිර්ශයක් වෙයි.

වාර්තාවේ පිටපතක් නීතිපතිවරයාට බාර දී ඇති බවත් අදාළ ක්‍රියාමාර්ග ගැනීමට කටයුතු කරනු ඇත.

කොමිසමේ නිර්දේශවලට අදාළව නඩු පැවරීමේ දී අල්ලස් දුෂණ කොමිසන් සභා පනතේ සුළු සංශෝධනයක් පැහැදිලි කළ යුතු බව දන්වා තිබේ. එයට අදාළව නීති කෙටුම්පත් සකසමින් සිටින බවත් ජනාධිපතිවරයා සඳහන් කළේය.

ශ්‍රි ලංකා මහ බැංකුවේ රහස්‍ය බව පිළිබඳ තිබි ඇත්තේ ඉතා දුර්වල තත්ත්වයක් බැවින් වර්තමානයේ එම දුර්වලතා මඟහැරවීමට මහබැංකු අධිපතිවරයා ක්‍රියාකරමින් සිටින බව ද ජනාධිපතිවරයා පවසයි.

කොමිෂන් සභාවේ නිර්දේශ මත ශ්‍රී ලංකා මහ බැංකුවේ කළ යුතු වෙනස් කම් සම්බන්ධයෙන් මහ බැංකු අධිපතිවරයා ප්‍රකාශයක් කරනු ඇති බවට තමා බලාපොරොත්තු වන බව ද ජනාධිපතිවරයා පැවසීය.

මහ බැංකුවේ මෙවැනි දූෂණ ඉදිරියේ දී සිදුනොවීමට කොමිෂම විසින් නිර්දේශ කර ඇති නව පනත් 3ක් කඩිනමින් සකස් කර පාර්ලිමේන්තුවට ඉදිරිපත් කරන ලෙස නීතිපති දෙපාර්තමේන්තුවෙන් හා අධිකරණ අමාත්‍යාංශයෙන් ජනාධිපතිවරයා ඉල්ලා සිටියි.

රජයයට සිදුව ඇති අලාභය රුපියල් මිලියන 11,145 කට වැඩි ප්‍රමාණය නැවත අය කර ගැනීමටත් වැරදිකරුවන්ට නිතිමය ක්‍රියාමාර්ග ගැනීමටත් තමා පසුබට නොවන බව ද ජනාධිපතිවරයා කියා සිටියේය.

මෙයින් මිලියන 8529 ක් හෙවත් බිලියන 8.5 වැඩි මුදල සේවක අර්ථක සේවක භාරකාරක අරමුදල, මහපොළ ශිෂ්‍යත්ව අරමුදල, ජාතික ඉතිරිකිරීමේ අරමුදල, ශ්‍රි ලංකා රක්ෂණ අරමුදල්වලට අයත් වන බවත් ඉතිරිය පෞද්ගලික අංශයට අයත් වන බවත් ජනාධිපතිවරයා පැවසීය.

පර්පෙචුවල් ට්‍රෙෂරීස් සමාගම මෙම රුපියල් මිලියන 11,145 ක මුදල ලබා ඇත්තේ මාස 5 ක වැනි කෙටි කාලයක් තුළදී බව ද ජනාධිපතිවරයා සඳහන් කළේය.

මෙම වාර්තාව පාර්ලිමේන්තුවට ඉදිරිපත් කිරීමටත් ඒ අනුව මෙය ජනතාවට විවෘත වාර්තාවක් බවට පත් කිරීමටත් අදාළ කටයුතු විදිමත්ව හා නීතියානුකූලව සිදු කිරීමට, නීතිපතිවරයාගේ උපදෙස් අනුව ඉදිරියේ දී කඩිනමින් පියවර ගන්නා බව ද ජනාධිපතිවරයා පැවසීය.

මේ අතර වගඋත්තරකරුවන්ට නඩු පැවරීමේ දී එම නඩුවලට අවාසි සහගත නොවන ලෙස මෙම කොමිසමේ කරුණු ඉදිරිපත් විය යුතු බව ද ජනාධිපතිවරයා සඳහන් කළේය.

තේ අපනයනය සම්බන්ධයෙන් පනවා තිබෙන තහනම ඉවත් කිරීම සඳහා රුසියාව විසින් කොන්දේසි කිහිපයක් ඉදිරිපත් කරනු ලැබ ඇති බව වැවිලි කර්මාන්ත පිළිබඳ අමාත්‍ය නවීන් දිසානායක පවසයි.

ශ්‍රී ලංකා රජය එම කොන්දේසි සඳහා එකඟත්වය පළ කර ඇති බැවින් අදාළ තහනම දෙසැම්බර් 30 වෙනිදායින් පසු ඉවත් කෙරෙනු ඇති බව ඇමතිවරයා කියා සිටියේය.

රුසියාව විසින් එවැනි තහනමක් පනවනු ලැබුවේ ශ්‍රී ලංකාවෙන් අපනයනය කරන ලද තේ කුඩු තොගයක තිබී කෘමියෙකු හමුවීමත් සමගය.

රුසියානු බලධාරීන් සහ එහි ගොස් සිටින ශ්‍රී ලාංකික තාක්ෂණික කණ්ඩායම අතර සඳුදා (දෙසැ 25) සාකච්ඡාවක් පවත්වා ඇති බවත් තේ කුඩුවල ප්‍රමිතිය සහතික කිරීම සඳහා පියවර ගන්නා ලෙස එම බලධාරීන් ශ්‍රී ලංකාවට දැනුම් දී ඇති බවත් අමාත්‍ය නවීන් දිසානායක කියා සිටියේය.

"දුම් ගසා විෂබීජ නැසීම, ගබඩාවල පවිත්‍රතාව. ප්‍රමිතිය සම්බන්ධයෙන් අවශ්‍ය සහතික කිහිපයක් ගැනීම වැනි ගුණාත්මකභාවය වැඩි කිරීම සඳහා ඒ අය කළ ඉල්ලීම්වලට අප එකඟ වී තිබෙනවා"

"රුසියානු නිලධාරීන් සහ දේශපාලනඥයන් සමග සාකච්ඡා කර ඉතා කෙටි කලක් ඇතුළත මේ තහනම සම්පුර්ණයෙන් ඉවත් කරගන්න අපගේ රජයට හැකි වුනා" යනුවෙන් ඇමතිවරයා පැවසීය.

''ජවිපෙ සක්‍රීයව සිටින තාක් කල් රට බෙදීමට ඉඩ නොතබන'' බව අනුර කුමාර දිසානායක පවසයි. වැදගත්ම කාරණය එය නොවේ. 'රට බෙදීමට' දැරූ ප්‍රයත්න ලෙස ඔහු හුවා දක්වන්නේ මොනවාද යන්නයි; ඒ අන් කිසිවක් නොව 1987 ඉන්දු-ලංකා ගිවිසුමේ ප්‍රතිපලයක් ලෙස ස්ථාපිත කළ පළාත් සභා ක්‍රමය, චන්ද්‍රිකා ආණ්ඩු සමයේදී එනම් 2000-2001 කාල පරිච්ජේදයේදී ඉදිරිපත් කළ දේශපාලන විසඳුම් පැකේජය, 2002 සටන් විරාම ගිවිසුම සහ එල්ටීටීඊය සමග ලංකාණ්ඩුව විවිධ අවස්ථාවලදී කළ සාකච්ජා මාලාවය. මේ අනුව, ජනවාර්ගික ගැටලුවට විසඳුමක් ලෙස ඉදිරිපත් වූ බලය බෙදීමේ මෙන්ම බලය විමධ්‍යගත කිරීමේ යෝජනාවලීන්ද පොදුවේ නාමකරණය කොට ඇත්තේ 'රට බෙදීමේ උත්සාහයන්' ලෙසය. 
එපමණක් නොව 2004 දී මහින්ද රාජපක්ෂව යුදවාදී මාවතට කැඳවනු ලැබුවේ තමන් විසින් බවද අනුර කුමාර ආඩම්බරයෙන් සඳහන් කරයි. මේ උච්චාරණය කෙරෙන්නේ අන් කිසිවක් නොව හෙළ උරුමය, ජාතික චින්තනය සහ ජානිපෙ (ඒකාබද්ධ විපක්ෂය ගැන කියනුම කවරේද?) විසින් ජවිපෙ හා සමාන්තරව ඉදිරිපත් කරමින් සිටින සිංහල-බෞද්ධ ජනවාර්ගික ජාතිකවාදී කතිකාවමය. 


මේ අවස්ථාවේදී ජවිපෙ 'රට බෙදීමට එරෙහි' කතාව යළි ඉස්මතු කරන්නේ මැතිවරණ ජනප්‍රියවාදය තුළය. මේ 1960 දශකයේ මුල් භාගයේ සිටම මෙරට වමේ දේශපාලනය මැතිවරණ (හෝ රැඩිකල්) ජනප්‍රියවාදය තුළ ගොදුරු වූ ජනවාර්ගික ජාතිකවාදයේ දෘෂ්ටිවාදී හෙජමොනිය යළි ප්‍රකාශයට පත් වීමකි. 
මැතිවරණ සමයන් යනු මෙරට ඊනියා පොදු ජනයා දේශපාලනිකව සක්‍රීය වන කාල පරිච්ජේදයන් යැයි කියනු අප අසා තිබේ. නමුත් ග්‍රාම්ස්චියානු අරුතින් මැතිවරණ සමයන් යනු අධිපති දෘෂ්ටිවාදයන් ස්වකීය ශක්තීන් පුනර්-ජනනය කර ගන්නා කාල පරිච්ජේදයන් යැයි කීම වඩාත් ගෝචර නොවන්නේද? ඒවාට එම ශක්‍යතාව ලැබෙන්නේ විශේෂයෙන්ම මැතිවරණ කාලයේදී විවිධ ධාරාවල 'විවේචක බුද්ධිමතුන්' (විවිධ ප්‍රයෝජ්‍යතාවාදී හේතු දක්වමින්) දෘෂ්ටිවාදී අරගලයට 'නිවාඩු දීම' පසුබිම් කොටගෙනය. 
අනෙක් අතට සිංහල-බෞද්ධ ජනවාර්ගික ජාතිකවාදී හෙජමොනියේ සැකැස්ම දෙස බලන විට පෙනී යන්නේ වෙනත් ජනප්‍රිය (සහ විශේෂයෙන්ම පාලක නොවන) දේශපාලන පැන නැගීම් කෙරෙන් ශක්තිය (සහ සුජාතභාවය) දිනා ගැනීමට එයට ඇති ශක්‍යතාවයි. ප්‍රභූ-විරෝධය, ධනපති-විරෝධය, ජනප්‍රිය සුභසාධනවාදය, සංස්කෘතික ආරක්ෂණවාදය, ජනප්‍රිය ආණ්ඩු විරෝධය යනාදී විවිධ දෘෂ්ටිවාදී ප්‍රවාහයන් ප්‍රයෝජ්‍යතාවාදී ලෙස අවශෝෂණය කර ගන්නට (සහ එනයින් ඒවායෙහි විමුක්ති ශක්‍යතා හීලෑ කරන්නට) අධිපති ජාතිකවාදී කතිකාව සමත් වී තිබේ. මෙවර ජවිපෙ මැතිවරණ ව්‍යාපෘතිය තුළදී එය ශක්තිය ලබන්නේ ජනප්‍රිය දූෂණ විරෝධී දෘෂ්ටිවාදය වෙතිනි. එසේනම් මේ දූෂණ විරෝධී දෘෂ්ටිවාදී පළිහක් පිටුපස වැඩෙන්නේ පසු අදියරකදී ජනවාර්ගික සහ/හෝ ආගමික සුළුතරයන්ට එරෙහිව හැරවිය හැකි හෙජමොනික හස්තයක් විය නොහැකිද? 


ග්‍රාම්ස්චි පැවසූ ලෙස යුද සංග්‍රාමයකදී පහර දිය යුත්තේ සතුරාගේ දුර්වලම තැනට වුවද, දෘෂ්ටිවාදී අරගලයේදී පහරදිය යුත්තේ ඔහුගේ ශක්තිමත්ම තැනටය. මෙම ප්‍රවාදයට කාල මානය එක් කළහොත් කිව හැක්කේ ප්‍රහාරයේ මොහොත විය යුත්තේ අධිපති දෘෂ්ටිවාදය නිදි කිරා වැටෙන මොහොතක් නොව එය නිදි ගැට කඩා අවදි වන්නට බලන මොහොතක් බවය. ඒ අනුව මෙරට මැතිවරණ කාල පරිච්ජේද වනාහී දෘෂ්ටිවාදී අරගලය නිවාඩු යා යුතු කාල පරිච්ජේදයක් නොව එය තීව්‍ර විය යුතු මොහොතකි.
පසුගිය දිනවලදී අප ජනවාර්ගික ගැටලුව පිලිබඳ පෙරටුගාමී පක්ෂයේ ස්ථාවරයද මෙලෙසම විවේචනය කළෙමු. එහිදී (අප එකඟ නොවූවද), ස්වයං-නිර්ණය අයිතිය වෙනුවට 'සම අයිතිය' යන වෙනස් සටන් පාඨය එම පක්ෂයේ නියෝජිතයන් විසින් ඉදිරිපත් කෙරෙන්නට යෙදුනි. (මේ පිලිබඳ විවාදය අවසන් යැයි අපි කිසිසේත් පිළි නොගනිමු). නමුත්, ජවිපෙ නායකයාගේ ප්‍රකාශ දෙස බලන විට පෙනී යන්නේ ඔවුන් ජාතික චින්තනය සහ හෙළ උරුමය විසින් නිමැවූ කතිකාමය සිතිජයෙන් ඔබ්බට අඟලක්වත් ගොස් නොමැති බවය. නැත්නම් එසේ යන්නට උනන්දුවක් හෝ හැකියාවක් පෙන්වා නොමැති බවය. 


ලොව පුරා සේම ලංකාවේද වමට ප්‍රහාරාත්මක උපාය මාර්ගය වෙනුවට කඳවුරු බඳින උපාය මාර්ගය (war of position) තෝරා ගන්නට සිදුව තිබෙන වත්මන් යුගයේදී ජවිපෙ විසින් මතු කොට තිබෙන ඉහත අභියෝගය මග හැර යා නොහැකිය. තමන්ද ජවිපෙ මැතිවරණ ජනප්‍රියවාදයේ වල්ගයක් වී සිටිමින් නම් කිසිවෙකුටත් මේ අභියෝගය අභිමුඛ විය නොහැකිය.

සුමිත් චාමින්ද

 

ශ්‍රී ලංකාවේ භික්ෂූන් වහන්සේගේ අධ්‍යාපනය සඳහා පිරිවෙන්වලට ලබා දෙන පහසුකම් ප්‍රමාණවත් නොවන බව උසස් පෙළ කලා විෂය ධාරාවෙන් ප්‍රථම ස්ථානය ලබාගත් භික්ෂූන් වහන්සේ පවසයි.

පූජ්‍ය පත්බේරියේ මුනින්දවංශ හිමියන් පවසන ආකාරයට ශ්‍රී ලංකා ඉතිහාසයේ කලා විෂය ධාරාව සඳහා භික්ෂූන් වහන්සේ නමක් වැඩිම ලකුණු ලබාගෙන තිබෙන්නේ ප්‍රථම වතාවටය.

"මීට කලින් 1960 ගණන්වල එක හාමුදුරු නමකට දෙවෙනි ස්ථානය ලැබිල තියෙනව කියල කියනවා. නමුත් දැන් තියන මතයට අනුව මම තමයි ප්‍රථම වතාවට ප්‍රථම ස්ථානයට ඇවිල්ල තියෙන්නේ," එහිමියෝ බීබීසී සිංහල සේවයට පැවසූහ.

විශේෂයෙන්ම රත්නපුර සද්ධම්මාලංකාර පිරිවෙනේ ආචාර්ය මණ්ඩලයේ සහ ඇතැම් උපකාරක පන්තිවල ද මග පෙන්වීමෙන් මෙවැනි ජයග්‍රහණයක් ලබාගැනීමට හැකිවීම පිළිබඳව මහත් සතුටක් දැනෙන බව සඳහන් කළ උන් වහන්සේ, විශ්ව විද්‍යාලයට ඇතුළු වී ඉතිහාසය විෂය සඳහා උපාධියක් හැදෑරීමට බලාපොරොත්තු වන බව ද පැවසූහ.

 

"අපේ ගුරුවරු හොඳයි. ඒත් අපිට ඉගෙන ගැනීමට තියෙන පහසුකම්, උදාහරණයක් විදියට තාක්ෂණය ගත්තොත් පහසුකම් මදි කියල තමයි කියන්න තියෙන්නේ පිරිවෙන්වල."

ශ‍්‍රී ලංකාව ඇතුළු රටවල් කිහිපයක විශාල වශයෙන් ජීවිත හා දේපල හානී සිදුවු සුනාමි ව්‍යසනයට අදට වසර 13ක් ගත වී තිබේ.

2004 වසරේ දෙසැම්බර් 26 වැනිදා පෙරවරුවේ මෙරට මුහුදුබඩ ප‍්‍රදේශවලට බලපෑ සුනාමි ව්‍යසනය හේතුවෙන් පුද්ගලයින් 35,000ක් පමණ මියගොස් තවත් 5000ක් පමණ අතුරුදන් විය.

එම ව්‍යසනයෙන් මියගිය පුද්ගලයින් සිහිකරමින් ආපදා කළමනාකරණ මධ්‍යස්ථානයේ මෙහෙයවීමෙන් අද දිස්ත‍්‍රික්ක මට්ටමින් සැමරුම් උත්සව පැවැත්වෙන අතර පැරෑලිය සුනාමි ස්මාරකය අසල දී ප‍්‍රධාන ආගමික වැඩසටහන සංවිධානය කර තිබේ.

පිරිත් දේශනා කරන සංඝරත්නය සහිත විශේෂ දුම්රියක් අද පෙරවරු 6.30ට මරදාන දුම්රියපලෙන් පිටත් වීමට නියමිත අතර පෙරවරු 9.00ට පමණ එම දුම්රිය පැරෑලියට ළඟා වීමට නියමිතයි.

සුනාමි ව්‍යසනය සිදුවූ දිනයේ දී පැරෑලිය ප‍්‍රදේශයෙන් ධාවනය වෙමින් තිබූ මගීන් 1500 දෙනෙකු පමණ රැගත් දුම්රිය අනතුරට ලක් විය.

එය ලොව බිහිසුනුම දුම්රිය අනතුර ලෙස සැලකෙයි.

සුනාමි සැමරුම සදහා ගෙන ඇති ක‍්‍රියාමාර්ග පිළිබද අදහස් දැක්වමින් ආපදා කළමනාකරණ මධ්‍යස්ථානයේ නියෝජ්‍ය අධ්‍යක්ෂ ප‍්‍රදීප් කොඩිප්පිලි මහතා කියා සිටියේ, මේ වන විට ආපදා කළමනාකරණය සම්බන්ධයෙන් කඩිනම් යාන්ත‍්‍රණයක් සුනාමි තත්ත්වයක් සදහා සකස් කර ඇති බවයි.

මේ අතර සුානමි ඛේදවාචකයෙන් මිය ගිය සහෝදර ජනතාව සිහි කරමින් අද පෙරවරු 9.25 සිට 9.27 දක්වා විනාඩි 2ක නිහඬතාවයක් පවත්වන ලෙස ආපදා කළමනාකරණ මධ්‍යස්ථානය ඉල්ලා සිටියි.

Ads Banners

Sign up via our free email subscription service to receive notifications when new information is available.