1981 මැයි 31 යාපනේ පුස්තකාලය සිංහල ජාතිවාදීන් විසින් ගිනි තබා විනාශ කරන ලදී.මේ සිදුවිම සියැසින් දුටු චේරන් එම සිදුවිම ඇසුරෙන් “දෙවන සුර්ය උදාව” නමින් කවියක් ලෙස සිය හැගිම් පිට කරනවා. මේ සිදුවිම පිලිපදව චේරන් සිය මතකය “On Responsible Distance : An interview with R.Cheran by Aparna Halpe” සාකච්ඡාවේදි අවදී කරන අතර එහි එක් කොටසක දෙවන සුර්ය උදාව කාව්‍ය නිර්මාණය ගැන ඔහු මෙසේ පවසනවා,
” මගේ කාව්‍යයක් වන ‘‘ දෙවන හිරු උදාව, ’’ ඒ නමින්ම තමයි මගේ පළමු කාව්‍ය සංග්‍රහයේ මාතෘකාව වුණේත්, එම කාව්‍යය තුලින් යාපනය පුස්තකාලය ගිනි තැබීම සිදුවිම ගැන සාකච්ඡා කරනවා. නමුත් මම නිශ්චිතව සඳහන් කරේ නෑ යාපනේ පුස්තකාලය ගිනි තැබිම ගැන, මොකද අනෙකුත් දේවලුත් ඒ වෙනකොට ගිනි ගෙන ඉවර නිසා.

නමුත් මම කිව්වා ” ගිනිබත් විය මගේ නගරය සහ අහිමි විය මගේ වැසියන්ට මුහුණු” . එම වචන තුලින් සමස්ථ සිදුවිමම ගිනිතැබිම් සහ මරණය ගැන විස්තර කරනවා. ඔව්. පළමුව

ඔවුන් පොත් පුළුස්සා දැමූ අතර පසුව 2009 මැයි ඔවුන් ජනතාව පුළුස්සා දැමුවා! ”
පහත දැක්වෙන්නෙ 1992 දි සීතා රංජනිගේ සංස්කරණය යටතේ “දෝංකාරය : යුද බිමෙන් උපන් කවි ” පොතෙන් උපුටාගන්නා ලද චේරන් එම අමිහිරි මතකයන්හි සාක්ෂිකරුවකු ලෙස නිර්මාණය කරන ලද එම කාව්‍යය වේ.

දෙවන සුරිය උදාව

සුළං පොදක්වත් නොමැති දිනයකි
රැල්ලක් නොනැගෙන මිය ගිය මහ මුහුදකි.
එරෙන වැල්ලේ පා ඔබ ඔබා යද්දී
නැවතත් සුරිය උදාවක්

මේ වර දකුණෙනි !

කුමක් නම් සිදු වුයේද ?
ගිනිබත් විය මගේ නගරය
අහිමි විය මගේ නගරය
අහිමි විය මගේ වැසියන්ට මුහුණු
මගේ භුමියෙත්
සුළගේත්
සියල්ලෙහිම
පිටස්තරයන් ගේ සලකුණු ය.

දෑත් පසුපසට කර බැද ගෙන
බලාපොරොත්තුව සිටින්නේ කවුරුන් ද ?
ගින්දර,
වලාකුළු මත්තෙන් තම පණිවුඩ ලියා හමාරය.
තවදුරටත් කවුරුන්ද බලාපොරොත්තුව සිටින්නේ?
පාරවල්වල පිරුණු අළු ගොඩවල් මතින්
නැගිටිලා එන්න !

චේරන්

( චේරන්ගේ ඉරෙන්ඩාවුද සුරිය උදයම් කවි පොතෙන් උපුටා ගන්නා ලදි.
සිංහලයට නැගිම : එස්. සිවගුරුනාදන් ගේ සහායෙනි )
Cheran Rudhramoorthy
Seetha Ranjanee
සිතුවම : Rashmy Ahamed

උපුටා ගැනීමකි – දෙමළ සාහිත්‍ය සිංහල බසටත් / සිංහල සාහිත්‍ය දෙමළ බසටත්, පරිවර්තනය කරමු