යුද සමයේත් ඉන් අනතුරුවත් බලහත්කාරයෙන් අතුරුදන් කළ තම සමීපතමයන් සොයා දෙන ලෙස හෝ ඊට යුක්තිය ඉටු කරන ලෙස ඉල්ලමින් උතුරු නැගෙනහිර දෙපළාතේ දෙමාපියන් විසින් ආරම්භ කළ අරගලයට දින 2,000 ක් සම්පූර්ණ වී තිබේ.
ඊට සමගාමීව අද දිනයේදී කිලිනොච්චි කන්දසාමි කෝවිල අසල විරෝධතාවයක් ද සංවිධාන කර තිබුණි. මෙම දින 2000 තුළ යුක්තිය නොලබා අවසන් ගමන් ගිය දෙමාපියන් සංඛ්‍යාව 115 කි. උතුරු නැගෙනහිර බලහත්කාරයෙන් අතුරුදන් කළවුන්ගේ ඥාතීන් ඔවුන් දින 2000ක් පුරා ඉල්ලා සිටින්නේ තම සමීපතමයන්ට සිදුවූවේ කුමක්ද යන්න හෙළිකරන ලෙසයි.
