පළාත් සභා සහ පළාත් පාලන මැතිවරණ ක‍්‍රමය සමාලෝචනය කිරීමේ කමිටුව වෙත පළාත් පාලන මැතිවරණ ක‍්‍රමය සඳහා වන පැෆ්රල් සංවිධානයේ යෝජනාවලියක් යොමු කර තිබේ. පහත පළවන්නේ එම යෝජනාව ලියයි
පසුගිය වසර 3ක අත්දැකීම් සැළකිල්ලට ගෙන පළාත් පාලන මැතිවරණ ක‍්‍රමය සංශෝධනය කිරීම සඳහා කමිටුවක් පත් කිරීම පිළිබඳව පළාත් සභා සහ පළාත් පාලන අමාත්‍යංශයටත්, විෂයභාර අමාත්‍යවරයාටත් අපගේ ප‍්‍රසාදය පළමුව පළ කර සිටිමු. එමෙන්ම එම කමිටුව හමුවේ අදහස් දැක්වීමට අපට අවස්ථාවක් ලබාදීම පිළිබඳ කමිටු ලේකම් තුමියටත්, කමිටු සාමාජිකයන්ටත් අප ස්තුතිවන්ත වන අතර පහත සඳහන් කරුණු ඔබ කමිටුවේ අවධානය සඳහා ඉදිරිපත් කරමු.
- සංශෝධනයේ පදනම ලෙස සැළකිය යුතු නොඑසේනම් නොසළකා නොහැරිය යුතු ප‍්‍රධාන කරුණු
- සමානුපාතික පදනම එලෙසම ආරක්ෂා විය යුතුය.
- කාන්තාවන් සඳහා කෝටාව 25% එලෙසම ආරක්ෂා විය යුතුයි.
- කොට්ඨාස පදනම ආරක්ෂා විය යුතුයි.
- පළාත් පාලන සභික ප‍්‍රමාණය අවම වශයෙන් 30% හෝ අඩු විය යුතුයි.
ඉහත සඳහන් පදනම් සැලකිල්ලට ගනිමින් පහත සඳහන් යෝජනා ඉදිරිපත් කරමු.
- i. කොට්ඨාස ප‍්‍රමාණය 20% අඩු කිරීම
- ii. ලැයිස්තුවට හිමිවන ප‍්‍රතිශතය 40% සිට 30% දක්වා අඩුකිරීම. නොඑසේනම් මෙතෙක් පැවති 60% – 40% අනුපාතය 70% – 30% වෙනස් කිරීම.
iii. පදිංචිය සනාථ කිරීමට ක‍්‍රමවේදයක්
- රාජ්‍ය නිලධාරීන් තරග කරන ප‍්‍රදේශයෙන් බැහැර රාජකාරී කරන බවට සහතිකයක්
- වත්කම් බැරකම් ප‍්‍රකාශ නාමයෝජනා සමග ලබාදීම
vi වර්තමානයේ නාමයෝජනා ප‍්‍රතික්ෂේප කිරීම තාක්ෂණික කරුණු කිහිපයකට පමණක් සීමා වී ඇත. එබැවින් පහත සඳහන් කරුණු නාමයෝජනා ප‍්‍රතික්ෂේප කිරීමේ නිර්ණායක තුළට ඇතුලත් කළ යුතුය.
- අදාළ ඡුන්ද බලප‍්‍රදේශයේ පදිංචිය සනාථ කිරීම ස`දහා විධිමත් ලේඛන ඉදිරිපත් කිරීම
- රජයේ සේවකයෙකු නම් අදාළ ඡුන්ද බලප‍්‍රදේශයේ රාජකාරී නොකරන බවට නීතිමය පිළිගත් ලේඛනයක් ලබා ගැනීම / රාජ්‍ය නිලධාරියෙකු නොවන්නේ නම් ඒ පිළිබ`දව දිවුරුම් ප‍්‍රකාශයක් ලබාදිය යුතුය.
- වත්කම් බැරකම් ප‍්‍රකාශ
vii කාන්තා නියෝජනය
- කාන්තාවන් සඳහා වන 25% අනිවාර්ය කෝටාව එලෙසම තබා ගත යුතුය.
- කාන්තාවන්ගේ තරග කිරීමේ කෝටාව 10% සිට 15% දක්වා වැඩිකළ යුතුය.
- තරග කර පරාජය වන කාන්තාවන් අතුරින් වැඩිම ඡුන්ද ප‍්‍රතිශතයක් ගන්නා කාන්තාවන්ට ලැයිස්තු හරහා තෝරා ගැනීමේදී ප‍්‍රමුඛතාවය ලබා දිය යුතුය.
viii කාන්තා සභිකයින් තේරීම සඳහා ක‍්‍රමවේදයක්
ix ඡුන්ද දායකයාට අපේක්ෂකයා තෝරා ගැනීමට ක‍්‍රමවේදයක්
x ඡුන්ද දායකයාට මුලූ පළාත් පාලන බල ප‍්‍රදේශය තුළ තමා වඩාත්ම කැමැති අපේක්ෂකයින් තේරීමට ඉඩක්.
xi ප‍්‍රචාරක වියදම් සීමා කිරීම
xii තරුණ නියෝජයට ඉඩක්
xiii හොඳම පරාජිතයාට ලැයිස්තුවේ ප‍්‍රමුඛතාවය
xiv ස්වාධීන කණ්ඩායමක නායකයෙකු ඉවත් වීම/මිය යෑම
මීට අමතරව පළාත් පාලනයට අදාල පොදු ගැටලූ 15 ක් මේ සමග ඔබගේ අවධානයට යොමු කරමු.
අපගේ සමාජ අත්දැකීම වනුයේ නීති ප‍්‍රතිපත්ති හෝ මැතිවරණ ක‍්‍රම සම්පාදනයේදී බොහෝ දුරට දේශපාලන පක්ෂ අවශ්‍යතාවය හෝ ඔවුන්ගේ බල ව්‍යාපෘති වලට අනුකූලව ඒවා සිදුවන බවය විශ්ව විද්‍යාල උපකුලපතිවරයෙකු හා පරිපාලන සේවය ඉහලම නිලධාරීන් දෙදෙනෙකුගෙන් සමන්විත මෙම කමිටුව දේශපාලන අරමුණු වලින් තොරව රටේ පැවැත්ම, පළාත් පාලනයේ වැදගත්කම හා ප‍්‍රජාතන්ත‍්‍රවාදී මූලධර්ම සලකා සුදුසු සංශෝධන එක්කරනු ඇතැයි අප විශ්වාස කරමු.
ඉදිරියේදී ඔබ අමාත්‍යාංශය හෝ කමිටුව මීට අදාල ගනු ලබන සාධනීය ක්රියාමාර්ග වලදී පැෆ්රල් සංවිධානයේ සහයෝගය ලබාදීමට සූදානම් බවද කාරුණිකව දන්වමි.
රෝහණ හෙට්ටිආරච්චි – විධායක අධ්‍යක්ෂ
LGA doc (1)
