ප්රවීණ වේදිකා, සිනමා සහ ටෙලි නාට්ය නළු නිහාල් ප්රනාන්දු අභාවප්රාප්ත වී ඇත. මිය යන විට ඒ මහතා 71 වැනි වියේ පසු විය.ඔහු වසර ගණනාවක් පුරා ලංකාවේ කලා ක්ෂේත්රයට, විශේෂයෙන්ම වේදිකා නාට්ය කලාවට, විශිෂ්ට රංගන දායකත්වයක් ලබා දුන් සම්භාවනීය කලාකරුවෙකි.
වේදිකා නාට්ය කලාවේ සදා නොමැකෙන මතක
නිහාල් ප්රනාන්දු මහතා ප්රසිද්ධ වේදිකාවට පිවිසියේ ප්රවීණ නාට්යකරුවකු වන සයිමන් නවගත්තේගම මහතාගේ “ස්ත්රී” නාට්යයෙනි. ඉන් අනතුරුව, ඔහු වේදිකා නාට්ය රැසකට සිය අද්විතීය රංගන හැකියාවෙන් දායක විය.
ඔහු රංගනයෙන් දායක වූ ජනප්රිය වේදිකා නාට්ය අතරින් “සුබ සහ යස”, “සුදු සහ කළු”, “ඒකාධිපති”, “පණ්ඩුකාභය”, “අංගාරා ගඟ ගළා බසී” යන නාට්ය වැදගත් වේ.
“අඹරාවක්”, “උඩුගංබලා”, “නේරංජනා”, “අන්තඃස්වරය”, “වංශක්කාරයෝ”, “කුලැත්තියෝ” සහ “අක්වැස්ස” වැනි ටෙලිනාට්යවල තිර රචනය කරමින් අධ්යක්ෂණය කිරීමටද ඔහු කටයුතු කළා.
එමෙන්ම “කඩවර”, “රන්තාලිය වලව්ව”, “තෙත් සහ වියලි”, “ගෞතමී”, “පින්න හරි සැරයි”, “හැන්ඳෑවක්”, “බොරදිය කඳුර”, “තරු කැට අහුරක්” වැනි ටෙලි රැසකට රංගන දායකත්වය ලබා දී තිබෙනවා.
මීට අමතරව, ඔහු සිනමා සහ ටෙලි නාට්ය ක්ෂේත්රයන්හි ද කැපී පෙනෙන චරිත රැසකට පණ පොවමින්, ප්රේක්ෂකයන් අතර නොමැකෙන මතක රැසක් තැබීමට සමත් විය.
