රනිල්ගේ ඉවරයක් නොවන ‘එල්සබෙත් ප්‍රේමය’

මහජන මුදල් වියදම් කරමින් එංගලන්තය වෙත ගොස් එලිසබෙත් රැජිනගේ අවමගුලට සහභාගී වුවත් රනිල් වික්‍රමසිංහගේ බ්‍රිතාන්‍ය අධිරාජ්‍යවාදී ප්‍රේමය අවසන් වී නොමැති බව පෙනේ. පසුගියදා එළිසබෙත් රැජිනගේ අභාවය සම්බන්ධයෙන් ශෝකය පළකිරීම සඳහා පැවති පාර්ලිමේන්තු විවාදයේදී ද එම ප්‍රේමය දෝරේ ගලාඅ යනු දැකිය හැකිවිය.

එම විවාදයේදී එළිසබෙත් මහ රැජින කිතුනු ලබ්ධිකයෙකු වුවද 1915 උඩරට ගිවිසුමෙන් පොරොන්දු වූ පරිදි බුදුදහම ආරක්ෂා කිරීමට කැප වූ බව ජනාධිපති රනිල් වික්‍රමසිංහ පවසනවා.

තායිලන්තය, මියන්මාරය, කාම්බෝජය, ශ්‍රී ලංකාවට ඇතුළු ථෙරවාදී බෞද්ධ රටවල් සමග එක්ව 2500 වැනි සම්බුද්ධ ජයන්තිය සැමරීම සඳහා ඇය පෙරමුණ ගැනීම බොහෝදෙනා නොදන්නා කරුණක් බවයි ඔහු පෙන්වා දෙන්නේ.

දෙවැනි එළිසබෙත් රැජිනගේ පාලනය යටතේ ශ්‍රී ලංකාව විශාල දේශපාලන පරිවර්තනයකට ලක් වූ බවත් එතෙක් ලංකාව ලෙසින් හැඳින්වූ අපේ රට ශ්‍රී ලංකාව නමින් හැඳින්වීම රැජිනගේ පාලන සමයේදී සිදු වූ අතිශයම වැදගත් වෙනස්කම බවත් ජනාධිපතිවරයා සඳහන් කරනවා.‍

1956 මැතිවරණ ජයග්‍රහණය, වාර්ගික අර්බුදය උත්සන්න වීම, නිදහස් අධ්‍යාපනය, ආර්ථිකය රාජය පාලනයට නතුවීම, උතුරේ සහ දකුණේ ආයුධ සන්නද්ධ අරගල ඇතිවීම ඇයගේ පාලන සමයේ සුවිශේෂ සන්ධිස්ථාන ලෙස සැලකිය හැකි බවද රනිල් වික්‍රමසිංහ පවසනවා.

තායිලන්තය, මියන්මාරය, කාම්බෝජය, ශ්‍රී ලංකාවට ඇතුළු ථෙරවාදී බෞද්ධ රටවල් සමග එක්ව 2500 වැනි සම්බුද්ධ ජයන්තිය සැමරීම සඳහා ඇය පෙරමුණ ගැනීම බොහෝදෙනා නොදන්නා කරුණක් බවයි.

ශ්‍රී ලංකාව තුළ පමණක් නොව සමස්ත ලෝකයේම සිදු වූ පරිවර්තනය මහ රැජින නියෝජනය කරන අතර ලෝක දේශපාලන බලය බටහිරින් ආසියාවට සහ අප්‍රිකාවට විතැන් වීම, බ්‍රිතාන්‍ය අධිරාජ්‍යය විසුරුවා හැරීම, බ්‍රිතාන්‍යය යුරෝපයට එක්වීම වැනි සන්ධිස්ථාන පිළිබඳව ජනාධිපතිවරයා පෙන්වා දෙනවා. මහ රැජින ස්ථාවරත්වයේ සහ අනුවර්තනයවීමේ සංකේතයක් ලෙස හැඳින්විම වඩාත් නිවැරදි බවයි වික්‍රමසිංහ පවසන්නේ.

විජය රජුගෙන් ආරම්භ වූ මෙරට රාජකීය පෙළපතේ අවසන් පුරුක වූ දෙවැනි එළිසබෙත් රැජිනට ශෝකය පළකිරීම සඳහා එක්වන්නැයි ජනාධිපතිවරයා සියලු දෙනාගෙන් ඉල්ලා සිටිනවා.

Share post:

Popular

වෙනත් පුවත්

පනත් සම්මත වෙන්නටත් ප්‍රථම පොලිස් රාජ්‍යයක සෙවණැලි

වර්තමාන රජය විසින් හඳුන්වා දීමට යන ත්‍රස්තවාදයෙන් රාජ්‍ය ආරක්ෂා...

ජෛවමිතික දත්ත හැඳුනුම්පතට එරෙහිව අභියාචනාධිකරණයට පෙත්සමක්

මෙරට ජනතාවගේ ජෛවමිතික දත්ත ඉන්දීය ආයතනයකට ලබාදී ඩිජිටල් හැඳුනුම්පත්...

සටන් කරන බලවේග මර්දන පනත්වලට එරෙහිව එක්වෙද්දී OCA ගැන ශ්‍රේෂ්ඨාධිකරණ තීරණය කතානායකට

සංවිධානාත්මක අපරාධ වැළැක්වීමේ පනත් කෙටුම්පත සම්බන්ධයෙන් ශ්‍රේෂ්ඨාධිකරණය ලබාදුන් තීරණය...