රට තුළ උද්ගත වෙමින් පවතින ලුණු අර්බුදය සමනය කර ගැනීම සඳහා මෙරටට ලුණු ගෙන්වීම ට රාජ්ය වාණිජ නීතිගත සංස්ථාව මැදිහත්ව ජාත්යන්තර ටෙන්ඩර් කැඳවීමක් කර තිබෙනවා. ඒ අනුව අයඩීකරණය නොකළ ලුණු මෙට්රික් ටොන් 30,000ක් ආනයනය කිරීම සඳහා දෙසැම්බර් 21 වනදා සිට ආරම්භ කර ඇති ටෙන්ඩර් කැඳවීම 2025 ජනවාරි 02 වනදා අවසන් වීමට නියමිතයි .
මේ ලුණු ගෙන්වීම සඳහා කැබිනට් මණ්ඩලය අවසර ලබා දී තිබෙන්නේ 2025 ජනවාරි මාසේ 31 වැනි දා දක්වා පමණයි . ජනවාරි දෙවැනි දා ටෙන්ඩර් විවෘත කිරීමෙන් පසුව අවම වශයෙන් ඉතිරි වන්නේ ලුණු මෙට්රික් ටොන් තිස් දාහක් මෙරටට ගෙන්වීම සඳහා දින විසි පහක පමණ කාලයකි . ප්රායෝගිකව ගත් කළ ා ලුණු ආනයනය කිරීම සඳහා ලබා දී තිබෙන මෙම කාලය ප්රමාණවත් නොවන අතර මේ හරහා තවදුරටත් අර්බුදය වැඩි වෙනවා පමණක් නොව වර්තමාන ආණ්ඩුවේ කළමනාකරණය පිළිබඳ අවුල යළි වතාවක් සමාජය තුළ විවේචනයට ලක් වීමට ඉඩකඩ නිර්මාණය වෙනවා .
ලුණු පිටරටින් ගෙන්වීමට ආණ්ඩුව කටයුතු කරන අතර දෙසැම්බර් 28 වන දා පාරිභෝගික කටයුතු පිළිබඳ අධිකාරිය විසින් අති විශේෂ ගැසට් නිවේදනයක් නිකුත් කරමින් ටින්කළ මාලු වර්ග සඳහා උපරිම සිල්ලර මිලක් පනවා තියෙනවා .
ඒ අනුව එම උපරිම සිල්ලර මිල ගණන් පහත පරිදි වේ.
