ආර්ථික වාසි සඳහා වැසි වනාන්තර විනාශ කිරීම පුනරුදයේ සිතුවමක් ආහාර පිසීමට පිළිස්සීම හා සමාන බව ආචාර්ය ඊ. ඕ. විල්සන් සඳහන් කරයි.
වැසි වනාන්තර ගැන කතා කිරීමේ දී අපට පළමු ව මතකයට නැගෙන්නේ සිංහරාජය පිළිබඳ ව ය. දකුණු ඇමෙරිකානුවන්ට ඇමසන් වනාන්තරය මෙන් ම ශ්‍රී ලාංකිකයන්ට සිංහරාජය පිළිබඳ ව ඇත්තේ මහත් අභිමානයකි. ඊට හේතුව මෙම වනාන්තරවල පවතින අද්විතීය ජෛව විවිධත්වය හා ඒ මත ගොඩනැගී ඇති සමාජ ආර්ථික හා සංස්කෘතිකමය තත්ත්වයන් ය. නමුත් ඇමසන් වනය මුහුණ දී ඇති දේශපාලනික ඛේදවාචකයට ඒ අයුරින් ම සිංහරාජය ද මුහුණ දී තිබේ. වෙනසකට ඇත්තේ බ්‍රසීලයේ, බොලිවියාවේ හා වෙනිසියුලාවේ රාජ්‍ය නායකයන් ජනතාව හා එක් ව ඇමසන් වනය විනාශ කරන සමාගම්වලට එරෙහිව සටන් කරද්දී මෙරට රජය සිංහරාජ වනය සමාගම් ග්‍රහණයට නතු කිරීමට ජනතාවට එරෙහිව සටන් කිරීම ය. ඒ පිළිබඳ දීර්ඝ විවරණයක් ඉදිරිපත් කිරීමට මේ පොතෙන් උත්සාහ දරා ඇත.
මෙම පොත තුළින් වැසි වනාන්තර ආරක්ෂා කිරීමට පුළුල් මතවාදයක් ගොඩනැගීමට ද උත්සාහ දරනු ඇත.
ඉඩම් හා කෘෂිකර්ම ප්‍රතිසංස්කරණ ව්‍යාපාරයේ (MONLAR) රාජගිරියේ පිහිටි ප්‍රධාන කාර්යාලයෙන් මෙම පොත ලබා ගැනීමට හැකියාව ඇත. ඒ සඳහා 0112870369 දුරකතන අංකයෙන් විමසන්න.
