පුනරුත්ථාපන කාර්යාංශයක් පිහිටුවීමේ පනත් කෙටුම්පතක් ගැන පාර්ලිමේන්තුවේ විවාදයට ගැනීමට නියමිතය. මම මෙම පනත් කෙටුම්පත මුල සිට අගට කියෙව්වෙමි. මම ඔබට නිශ්චිතව කියමි; මෙම පුනරුත්ථාපන කාර්යාංශය යනු නිර්මාණය වෙමින් පවතින ගාල් කඳවුරකි. පුනරුත්ථාපන කාර්යාංශය තුල වධහිංසා පැමිණවීම නීත්‍යානුකූලය. බලහත්කාරයෙන් වැඩ කිරීම නීත්‍යානුකූලය. ඔබට බලහත්කාරයෙන් ඖෂධ දිය හැකිය. ඔබ කාර්යාංශයට ඇතුලත් කල පසු එහි අධිකාරියට කීකරු විය යුතුය. අකීකරුකම සිරගත කිරීමෙන් හෝ ඊට වඩා දරුණු ලෙස බලහත්කාරයෙන් දඬුවම් කරනු ලැබේ.
අධිකාරියට ඔබට පහර දීමට, ඔබට නරක ලෙස සැලකීමට සහ ඔබව නොසලකා හැරීමට පවා හැකිය. මේ සියල්ල පනතේ නීත්‍යානුකූලය. ඇතුළත් වූ පසු ඔබට අවශ්‍ය වුවද මධ්‍යස්ථානයෙන් පිටවිය නොහැක. ඔබ උත්සාහ කර පිටවීමට උත්සාහ කළහොත් අධිකාරිය එය “පලා යාම” ලෙස හඳුන්වනු ඇති අතර පොලිසියට හෝ ත්‍රිවිධ හමුදාවට ඔබව නැවත කඳවුරට ඇදගෙන යා හැකිය. ඒ වගේම ජනාධිපතිට අවශ්‍ය නම් හමුදාව ලවා මුළු ස්ථානයම පාලනය කල හැකිය.
පනත් කෙටුම්පත මෙම නීතිය ප්‍රචණ්ඩ සහ අන්තවාදී කණ්ඩායම්, මත්ද්‍රව්‍ය මත යැපෙන පුද්ගලයින් සහ හිටපු සොල්දාදුවන් (සටන්කරුවන්) සඳහා වන බව කියා සිටී. නමුත් ඔබ මෙම ස්ථානයට කොටු නොවනු ඇතැයි ඔබ සිතන්නේ නම්, “වෙනත් කණ්ඩායම්” සඳහා කොටසක් ද ඇත. මෙම අනෙක් කණ්ඩායමට වැටෙන්නේ කවුදැයි කිස්වෙකුත්, එනම් පනත් කෙටුම්පත සකස් කළ නීති කෙටුම්පත් දෙපාර්තමේන්තුව පවා දන්නේ නැත.
මා ඉහත කී සියල්ල ඉදිරි සති කිහිපයකින් නීත්‍යානුකූල වනු ඇති. ජර්මනියේ සිදු වූ දේ නැවත කිරීමට අවශ්‍යද නැද්ද යන්න පාර්ලිමේන්තුවේ 225 විවාද කරනු ඇති. මෙම පනත සම්මත විය හැකිය.
එය එසේ නම් සහ ඊළඟ වතාවක් තිබේ නම්, මෙය මතක තබා ගන්න – දහස් ගණනක් හොඳ ජර්මානුවන් යුදෙව් සමූලඝාතනයට ඉඩ දුන්නේ කෙසේදැයි අපි කවුරුත් පුදුම වෙමු. ඒ මේ ආකාරයටය. එනම් එය හරියටම ආරම්භ වූ ආකාරයයි මේ.
නීතිඥ ස්වස්තිකා අරුලිංගම්
