බම්බලපිටිය හින්දු කාන්තා විද්‍යාලයේ පාසල් සිසුවියකට අතවර කිරීම සිද්ධියට සම්බන්ධ බව කියන ගුරුවරයා පොලිස් බී වාර්තාවක් ඉදිරිපත් කිරීමෙන් පසු අනිවාර්ය නිවාඩු යවා ඇති බව අධ්‍යාපන අමාත්‍යාංශය පවසා තිබේ. අධ්‍යාපන අමාත්‍යංශය මීට පෙර 07වනදා නිකුත් කළ නිවේදනයකින් පවසා තිබුනේ මෙම ගුරුවරයා පුත්තලම සහිරා විද්‍යාලයට මාරුකර යැවූ බවයි.
මේ සම්බන්ධයෙන් විශාල විරෝධයක් මතුවිය. විශේෂයෙන් පුත්තලම ප්‍රදේශයේ ජනතාවද විරෝධය දක්වමින් පවසා සිටියේ එවැනි සිදුවීමකට සම්බන්ධ ගුරුවරයෙකු තම පාසලකට එවීම තම දරුවන්ගේ ආරක්ෂාව සම්බන්ධ ප්‍රශ්නයක් බවයි.
කෙසේවෙතත් අවසානයේ අධ්‍යාපන අමාත්‍යංශය ගුරුවරයා අනිවාර්ය නිවාඩු යවා තිබේ. මෙම තීරණය සඳහා බලපෑවේ සමාජ මාධ්‍ය හරහා සහ පාරේ විරෝධතා පවත්වමින් ජනතාව යුක්තිය ඉල්ලා සිටීමයි.
