පල්ලේගම හේමරතන භික්ෂුවගේ ළමා අපයෝජන සිදුවීම සමාජගත වීමෙන් පසුව ඔහුට පක්ෂපාතී බොහෝ පිරිසක් ප්‍රකාශ කරන්නට පටන් ගත්තේ එය බෞද්ධ ආගමික පදනමට කැලැල් ඇති කරන්නට ගත් ක්‍රියාමාර්ගයක් ලෙසයි . දිනුම් අමුණුගම වැනි දේශපාලකයන් මාධ්‍ය ඉදිරියට පැමිණ දැරිය ගණිකාවක් ලෙස හුවා දක්වන්නේ ද ඉහත අරමුණ සාර්ථක කර ගැනීමේ අරමුණින් .
කෙසේ වෙතත් ළමා ආරක්ෂක අධිකාරියේ වසර හතරක තොරතුරු විශ්ලේෂණය කර බලද්දී වාර්තා වී ඇති පරිදි භික්ෂූන් අතින් සිදු වෙච්ච අපයෝජන ප්‍රමාණය ඉතාම ඉහළ අගයක පවතිනවා. අපයෝජන 488 ක් වාර්තා වෙනවා . කෙසේ වෙතත් වාර්තා නොවුනු විශාල සිදුවීම් පවතින බව අපට වටහා ගන්න පුළුවන් . අද අප කතා කරන පල්ලේගම හේමරතනගේ ළමා අපයෝජනය පිළිබඳව කරුණු හෙළිදරව් වෙන්නේ අහඹු සිදුවීමක් ඔස්සේයි . එම සිදුවීම සිදු නොවුනානම් අදටත් හේමරතන භික්ෂුවගේ මෙම අපයෝජනය රහසක් සේ පවතිනවා .
සමාජ ආරක්ෂකයන් සේ පෙනී සිටින ආගමික සංස්ථාව ඇතුළේ සිදුවන අපයෝජන සහ ෙනත් අනීතික ක්‍රියාවන් සමාජයට කාන්දු වන්නේ ඉතාමත් කලාතුරකින් සහ මන්දගාමීවය . කිසිසේත්ම මේ තොරතුරු හෙළිදරව් කිරීම බෞද්ධ ආගමික පදනම් බිඳ දැමීමට හෝ ය විනාශ කිරීමට කරන කුමන්ත්‍රණයක් නොව සමාජ රැකවලුන් ලෙස පෙනී සිටින ආගමික වස්ත්‍ර වලට යටින් තිබෙන නිරුවත හෙළිදරව් කිරීමකි .
