අද දින කැඳවූ වසන්ත මුදලිගේට එරෙහි නඩුව අවස්ථාවේ නීතිපති දෙපර්තම්නේතුව අධිකරණයට තර්ජනය කරමින් බලහත්කාරී ලෙස එම නඩුව අළුත්කඩේ අංක 08 අධිකරණය සිට අළුත්කඩේ අංක 01 අධිකරණයට මාරු කරගෙන තිබුණි.
කෙසේවෙතත් වසන්ත මුදලිගේ මෙම මස 31වනදා දක්වා රක්ෂිත බන්ධනාගාර ගතකර තිබේ.
නීතිපති දෙපාර්තමේන්තුවේ මෙම නින්දාසහගත ක්‍රියාවලිය සම්බන්ධයෙන් නීතිඥ නුවන් බෝපගේ අද සවස් පවතී මාධ්‍ය හමුවකදී හෙළිදරව් කරන ලදී. එහිදී අදහස් දැක්වූ නුවන් බෝපගේ පැවසුවේ මෙවැනි තුච්ඡ නීතිපති දෙපාර්තමේන්තුවක් ඔහුගේ නීතිඥ ඉතිහාසය තුළ දැක නැති බවයි.
වැඩිදුරටත් අදහස් දක්වමින් ඔහු පැවසුවේ,
” නියෝජ්‍ය සොලිසිටර් ජනරාල්වරයා ත්‍රස්ත විමර්ශන ඒකකයේ අධ්‍යක්ෂ ඇතුළු නිලධාරීන් 04 දෙනෙකුගේ දිවුරුම් ප්‍රකාශ පෙන්වමින් මහේස්ත්‍රාත්වරියට කිව්වා ඔබ මේ නඩුව මාරු කරේ නැත්තම් අපි මේ දිවුරුම් ප්‍රකාශ අධිකරණ සේවා කොමිසමට දෙනවා ඔබතුමියට එරෙහිව පරීක්ෂණ පවත්වන්න කියලා. රජයේ නීතිඥවරයා කියන්නේ රනිල් රාජපක්ෂගේ නීතිඥවරයා නෙමෙයි. නීතිපතිවරයා සහ නියෝජ්‍ය සොලිසිටර් ජෙනරාල්වරයා හොඳින් තේරුම් ගන්න ඕනා ඔබ රනිල් රාජපක්ෂගේ නීතිඥවරයා නෙමෙයි. රජයේ නීතිඥවරයා. ජනතාවගේ ආරක්ෂකයා විය යුතු පුද්ගලයා අධිකරණය ඉදිරියට ඇවිත් කියනවා මේ දිවුරුම් ප්‍රකාශය අධිකරණ සේවා කොමිසමට දානවා මහේස්ත්‍රාත්තුමිය මේ නඩුවෙන් අස්වුනේ නැත්තම් කියලා. ඇයි මහේස්ත්‍රාත්තුමිය නඩුවෙන් ඉවත්විය යුත්තේ? මේ පරීක්ෂණ කඩිනමින් පවත්වන්න කිව්වා නිසා. අපි දන්නවා ත්‍රස්ත මර්දන ඒකකය දූෂිතයි. ඒඑස්පී රත්නායක මිනීමැරුම් නඩුවක චුදිතයෙක්. මේ මිනීමැරුම් නඩුවේ චූදිත රත්නායකට වෙනුවෙන් තමයි නීතිපති පෙනී ඉන්නේ. ඊළඟට මොවුන්ට උපදෙස් දෙන්නේ ටිරාන් අලස්. ටිරාන් අලස් කියන්නේ 2005 මැතිවරණය අවස්ථාවේ උතුරේ ජනතාවගේ ඡන්ද අයිතිය නැති කරන්න ඡන්දය දුන් කෙනා. ඊළඟට දේශබන්ධු තෙන්නකෝන්. ගිය සතියේ ජනාධිපති මන්දිරේ නඩුව අහද්දී ඒ නඩුවේදී ඒ සම්බන්ධ පරීක්ෂණ කරන නිලධාරීන්ට දුරකථන ඇමතුමක් දීලා තර්ජනය කරා කියලා හෙළිවුණා. අපි නීතිපති දෙපාර්තමේන්තුවට කියනවා ඔබලා ජනතාවගේ පැත්තේ නම් ඉන්නේ, අන්න අල්ලලා හිරේ දාන්න කෙනෙක් ඉන්නවා දේශබන්ධු තෙන්නකෝන්. තරුණයෝ 11ක් පැහැරගත් නඩුවේ කරන්නාගොඩට එරෙහි චෝදනා ඉල්ලා අස්කරගන්නේ නීතිපති . ජොන්ස්ටන් ප්‍රනාන්දුට අධිචෝදන පත්‍රය ඉවත්කරගන්නේ නීතිපති. අද කරපු දේ විසින් දීපු පණිවිඩයක් තියෙනවා. රනිල් වික්‍රමසිංහලා ජනතාවගේ අයිතීන් මර්දනය කරේ රහස් පොලීසිය, ත්‍රස්ත විමර්ශන ඒකකය වගේ ආයතන පාවිච්චි කරලා. දැන් ඔවුන් උත්සාහ කරනවා නීතිපති දෙපාර්තමේන්තුවත් තමන්ගේ තක්කඩි ආයතන ගොඩට ගන්න. නියෝජය සොලිසිටර් ජනරාල්වරයා අධිකරණයේදී මහේස්ත්‍රාත්වරියට තර්ජනය කරා. නීතිපති දෙපාර්තමේන්තව නීතිය දන්නවා කියලා හිතමු. මේ නීතිපති දෙපාර්තමේන්තුවට තේරෙන්නේ නැද්ද වසන්ත මුදලිගේ ත්‍රස්ත පනත යටතේ තියාගෙන ඉන්නවා නම් මේ අරගලයට සම්බන්ධ වූ ලක්ෂ ගණනක් ජනතාවත් ත්‍රස්තවාදීන් කියලා මේ නීතිපතිට තේරෙන්නේ නැද්ද? එහෙනම් වසන්ත ලෝකයේ ලොකුම ත්‍රස්තවාදී සංවිධානයක නායකයා විය යුතුය. මේ නඩුව පවත්වාගෙන යන්න බැහැ කියලා මේ නීතිපතිට තේරෙන්නේ නැද්ද? නීතිපතිවරයා තමන්ගේ අභිමතය පවිච්චි කරලා වසන්ත මුදලිගේට ඇප දීමට එකඟතාවය පළකරන්නේ නැත්තම් ඒ නැත්තේ මේ රනිල් රාජපක්ෂ තක්කඩි මර්දනයට යටවෙලා කියන එක අපිට පැහැදිලිව කියන්න පුළුවන්.
