මහ කන්නයට අවශ්ය කරන පොහොර ලබා දෙන්න කියමින් ආණ්ඩුවට බල කරමින් ඇලහැර ගොවීන් ආරම්භ කර තිබෙන උපවාසය 8 වන දිනටත් ක්රියාත්මක වෙමින් පවතින අතර උපවාසයේ යෙදී සිටින ගොවීන් බැහැදැකීමට හිටපු ජනාධිපති මෛත්රීපාල සිරිසේන අද එතැනට පැමිණියා. එහිදී ගොවීන් සමඟ සුහද පිළිසඳරක යෙදුණු හිටපු ජනාධිපතිවරයා වත්මන් ආණ්ඩුව තමන් කියන කරන දේවල් පිළිනොගන්නා බව කියමින් තමන්ගේ දුක්ගැනවිල්ල ද ගොවියන්ට ඉදිරිපත් කරනු ලැබුවා.
ගොවීන් සමග පිළිසඳරේ යෙදෙමින් ඔවුන් ගේ කතාබහට හූමිටි දෙමින් සිටි හිටපු ජනාධිපතිවරයා ප්රකාශ කර සිටියේ මහින්දානන්ද කෘෂිකර්ම ඇමතිවරයා අඩුම තරමින් නියරක ඇවිද නැති බවයි. කාබනික පොහොර ප්රතිපත්තිය හොඳ වුණත් කාබනික පොහොර මගින් සියයට සීයක් ගොවිතැන කරන්න බැරි බව ඔහු පවසනවා. එපමණක්ද නොව ලෝකයේ කිසිම රටක සීයට සීයක් කාබනික පොහොර යොදා ගනිමින් කරන කෘෂිකර්මාන්තයක් නැති බවද වැඩිදුරටත් අදහස් දක්වමින් ඔහු කියා සිටියා.
