Vivara News

Tag: maithripala sirisena

  • මහින්දයි සිරිසේනයි ගිය හෙලිකොප්ටර් සවාරි ගැන තොරතුරු එළියට

    මහින්දයි සිරිසේනයි ගිය හෙලිකොප්ටර් සවාරි ගැන තොරතුරු එළියට

    මහින්ද රාජපක්ෂ ජනාධිපතිවරයා ලෙස කටයුතු කළ වසර එකොළහක කාලයේදී මහජන මුදල් අය කරමින් ශ්‍රී ලංකා ගුවන් හමුදාවට අයත් හෙලිකොප්ටර් යානාවලින් ශ්‍රී ලංකාව වට අභ්‍යන්තර ගුවන්වාර 978ක් ගමන් කර තිබෙනවා

    තොරතුරු දැන ගැනීමේ පනත යටතේ කරන ලද ඉල්ලීමකට අනුව ගුවන් හමුදා මූලස්ථානය මගින් නිකුත් කරන ලද තොරතුරුවල ඒ බව සඳහන්.

    හිටපු ජනාධිපතිවරයා වැඩිම ගුවන් ගමන්වාර ගණනක් ගොස් ඇත්තේ 2014 වසරේ වන අතර එය 148ක්.

    රාජපක්ෂ ජනාධිපතිවරයා 2005 වසරේදී අටක් 2006 දී 62ක්, 2007 දී 71 ,2008දී 72ක්, 2009 දී 113ක්,2010 129ක් ආදී වශයෙන් අභ්‍යන්තර ගුවන් ගමන් ගොස් තිබෙන බවද එම තොරතුරු සඳහන් කරනවා.

    හිටපු ජනපතිවරයා 2011 අවසරයේදී 128ක්, 2012 වසරේ 122ක්, 2013 දී 115ක්, 2014 දී 148ක් සහ 2015 දී දහයක් වශයෙන් අභ්‍යන්තර ගුවන් වර්ග වර්ග කර ඇතැයි තොරතුරු දැන ගැනීමේ පනත යටතේ ලැබුණු වාර්තාවේ සඳහන් .

    හිටපු ජනපති මෛත්‍රිපාල සිරිසේන වසර පහක සිය ධුර කාලයේ අභ්‍යන්තර ගුවන්වාර 11ක් ගමන් කර ඇතැයිද වාර්තා වෙනවා

    ඔහු සඳහා ද ශ්‍රී ලංකා ගුවන් හමුදාවට අයත් හෙලිකොප්ටර් යානා භාවිතා කර තිබෙනවා

    මේ අතර මහින්ද රාජපක්ෂ හිටපු ජනපතිවරයාගේ අභ්‍යන්තර ගුවන් ගමන් සම්බන්ධයෙන් විස්තර තොරතුරුදැන ගැනීමේ පනත යටතේ ඉල්ලා සිටියද එම තොරතුරු ලබාදීම ගුවන් හමුදාව මගහැරී හෙයින් තොරතුරු දැන ගැනීමේ කොමිෂන් සභාව වෙත අභියාචනා කළ අතර පසුව තොරතුරු දැනගැනීමේ කොමිෂන් සභාව දුන් නියෝගයකට අනුව ශ්‍රී ලංකා ගුවන් හමුදා මූලස්ථානයෙන් තොරතුරු දීම සිදුකර තිබෙනවා

    රාජ්‍ය නායකයින් රට වටා අභ්‍යන්තර ගුවන් ගමන්වරවල යෙදෙමින් ශ්‍රී ලංකා ගුවන් හමුදාවට අයත් හෙලිකොප්ටර් යානා භාවිතා කර ඇති අතර ඒ සඳහා වැය කර ඇත්තේ මහජනතාවගේ බදු මුදල් ය.

    රාජ්‍ය නායකයින්ට එලෙස මහජන බදු මුදලින් වරප්‍රසාද භුක්ති විඳිය හැකි නම් ඒ පිළිබඳ තොරතුරු දැන ගැනීමේ අයිතිය මහජනතාවට හිමිය යුතුව ඇත.

    උපුටා ගැනීම – news19

  • මෛත්‍රී, පාස්කු වන්දි ගෙවන්න වසර 06ක් ඉල්ලලා

    මෛත්‍රී, පාස්කු වන්දි ගෙවන්න වසර 06ක් ඉල්ලලා

    පාස්කු ඉරුදින ත්‍රස්ත ප්‍රහාරය සම්බන්ධයෙන් මූලික අයිතිවාසිකම් උල්ලංඝනය කිරීම සම්බන්ධයෙන් වන්දි ගෙවීමට නියම වී සිටින පිරිසට ගෙවීමට නියමිත වන්දි මුදල් අගෝස්තු මස 30 වනදාට පෙර ගෙවා අවසන් කළ යුතු බව ශ්‍රේෂ්ඨාධිකරණය ජුලි 15 වැනිදා නියෝග කර තිබේ.

    මේ වන විට රුපියල් මිලියන 100ක වන්දියක් නියම වූ මෛත්‍රීපාල සිරිසේන හිටපු ජනාධිපතිවරයා එම මුදලින් මිලියන 58ක් ගෙවා අවසන් බව පැවසේ. ඔහු ඉතිරි මුදල ගෙවීම සඳහා වසර 06ක කාලයක් ඉල්ලා ඇත. ඔහුගේ තර්කය වී තිබුණේ තමන්ට ගෙවීමට මුදල් නැති බවයි.

    පාස්කු ඉරිදා එල්ල කෙරුණු ත්‍රස්ත ප්‍රහාරය වළක්වා ගැනීමට කටයුතු නොකිරීම තුළින් සිදුකළ මුලික මිනිස් අයිතිවාසිකම් උල්ලංඝනය කිරීම වෙනුවෙන් රුපියල් මිලියන 100ක වන්දියක් ගෙවන ලෙස හිටපු ජනාධිපති මෛත්‍රිපාල සිරිසේන මහතා වෙත ශ්‍රේෂ්ඨාධිකරණය විසින් 2023 වසරේ ජනවාරි 12 වනදා නියෝග කරනු ලැබිණි.

  • පාස්කු ප්‍රහාරය දැනසිටි පිරිසගෙන් වින්දිත අරමුදලට තවත් මිලියන 20ක්

    පාස්කු ප්‍රහාරය දැනසිටි පිරිසගෙන් වින්දිත අරමුදලට තවත් මිලියන 20ක්

    පාස්කු ප්‍රහාරය සිදුවෙන බව දැන සිටි නමුත් එය වැලක්වීමට ක්‍රියා නොකිරීම සම්බන්ධයෙන් චෝදනා එල්ල වූ නිලධාරීන්ට සහ දේශපාලනඥයන්ට වන්දි ගෙවා තමන් සිදුකළ වැරදෙන නිදහස් විය හැකිද යන ප්‍රශ්නය නැවතත් මතුව තිබේ . පාස්කු ප්‍රහාරයේ වින්දිතයන්ට වන්දි ලෙස ‘පාස්කු ප්‍රහාරය අප්‍රේල් 2019 – වින්දිත අරමුදල’ යන නමින් ස්ථාපිත අරමුදල සඳහා තවත් රුපියල් මිලියන 20ක් බැර කර තිබෙනවා.

    හිටපු ආරක්ෂක ලේකම් හේමසිරි ප්‍රනාන්දු විසින් පසුගිය ජුනි 19 වැනිදා රුපියල් මිලියන 05ක් සහ පසුගිය ජුනි 26 වැනිදා රුපියල් මිලියන 15ක් ලෙස රුපියල් මිලියන 20ක මුදල ගෙවා තිබුණා.

    ඒ අනුව ඔහුට ගෙවීමට නියමිත රුපියල් මිලියන 50ක මුදලින් අවස්ථා 6දී රුපියල් මිලියන 26ක් ගෙවා අවසන් කර තිබෙනවා.

    මෙම මුදල් බැර කිරීමත් සමග පසුගිය ජුනි 27 වැනිදා වන විට මෙම අරමුදල සඳහා රුපියල් 84,825,588.87ක් බැර කර ඇත.

    මේ අතර හිටපු ජනාධිපති මෛත්‍රීපාල සිරිසේන විසින් අවස්ථා 03කදී රුපියල් මිලියන 43ක් ගෙවා ඇති අතර, හිටපු පොලිස්පති පූජිත් ජයසුන්දර රුපියල් 1,725,588.87ක්ද, රාජ්‍ය බුද්ධි සේවයේ හිටපු ප්‍රධානී නිලන්ත ජයවර්ධන රුපියල් මිලියන 4.1ක්ද මේ දක්වා ගෙවා තිබෙනවා.

    මීට අමතරව පාස්කු ප්‍රහාරයේ වින්දිතයන්ට වන්දි ලෙස හිටපු ජාතික බුද්ධි ප්‍රධානී සිසිර මෙන්ඩිස් ගෙවීමට නියමිතව තිබූ රු.මි.10ක මුදල මේ වන විට ගෙවා අවසන් කළ බව සඳහන් වනවා.

    මේ සියලු දෙනා සිදුකර ඇත්තේ බරපතල වරදක් වුවත් දැන් ඔවුන් තමන්ට නියම වූ වන්දි ගෙවීම කොටස් වශයෙන් ගෙවමින් නිදහසේ කල් ගතකරමින් සිටියි.

     

  • රෝයල් පාර්ක් මිනීමැරුම – ජූඩ් ශමන්තට ලබාදුන් දඬුවම ක්‍රියාත්මක වෙයිද?

    රෝයල් පාර්ක් මිනීමැරුම – ජූඩ් ශමන්තට ලබාදුන් දඬුවම ක්‍රියාත්මක වෙයිද?

    මහත් ආන්දෝලනයකට තුඩු දුන් රාජගිරිය, රොයල් පාක් මිනී මැරුම් සිද්ධිය සම්බන්ධයෙන් මරණීය දණ්ඩනය නියම වී සිටි ජූඩ් ශමන්ත ජයමහ නැමැති විත්තිකරුට සමාව ප්‍රදානය කර නිදහස් කිරීමට හිටපු ජනාධිපති මෛත්‍රිපාල සිරිසේන ගත් තීරණය ආණ්ඩුක්‍රම ව්‍යවස්ථාවට පටහැනි බව ශ්‍රේෂ්ඨාධිකරණය තීන්දු කර තිබේ.

    ඒ අනුව හිටපු ජනාධිපතිවරයා විසින් අදාළ විත්තිකරු නිදහස් කරමින් දුන් ජනාධිපති සමාව බල රහිත බව තීන්දුවේ සඳහන් විය.

    එයට අමතරව හිටපු ජනාධිපති මෛත්‍රිපාල සිරිසේන විසින් රුපියල් ලක්ෂ 10 වන්දියක් පෙත්සම්කරුට ගෙවිය යුතු බවට නියෝග කෙරිණි. එසේම අගතියට පත් තරුණියගේ මවට සහ පියාට රුපියල් මිලියනය බැගින් වන්දි ගෙවන ලෙසත් හිටපු ජනාධිපතිවරයාට තවත් නියෝගයක් නිකුත් කෙරිණි.

    මෙම ක්‍රියාව තුළින් ජනාධිපති මෛත්‍රීපාල සිරිසේන ආණ්ඩුක්‍රම ව්‍යවස්ථාව චේතනාවිතව උල්ලංඝනය කර ඇතැයි තීන්දු කළ ශ්‍රේෂ්ඨාධිකරණය මේ වන විට විදේශගතව සිටින අදාළ විත්තිකරු දේශීය හා ජාත්‍යන්තර සම්මුතින් උපයෝගී කරගෙන මෙරටට ගෙන්වීමට අවශ්‍ය නීතිමය පියවර ගන්නා ලෙසත් නීතිපතිවරයා නියම කර ඇත.

    එම විත්තිකරුට ප්‍රදානය කරන ලද ජනාධිපති සමාව ආණ්ඩුක්‍රම ව්‍යවස්ථාවට පටහැනි බවත්, එය බල රහිත බවට තීන්දුවක් ලබා දෙන ලෙසත් ඉල්ලා කාන්තා හා මාධ්‍ය සාමූහිකය විසින් ඉදිරිපත් කළ මූලික අයිතිවාසිකම් පෙත්සමක තීන්දුව ලබා දෙමින් ශ්‍රේෂ්ඨාධිකරණ විනිසුරු මඩුල්ල මෙම නියෝග ප්‍රකාශයට පත් කර තිබේ.

    2005 වසරේ රාජගිරිය රෝයල් පාක් නිවාස සංකීර්ණය තුළ තරුණිය ඝාතනය කිරීමේ චෝදනාවට වරදකරු කෙරුණු ජූඩ් ශමන්ත ජයමහ නමැති විත්තිකරුට කොළඹ මහාධිකරණය විසින් බරපතළ වැඩ සහිත වසර 12 ක සිර දඬුවම් නියම කර තිබුණි.

    කොළඹ මහාධිකරණය විසින් නියම කළ එම දඬුවම ප්‍රමාණවත් නොමැති බවත් එබැවින් ඔහුට නීතියෙන් නියම කර තිබෙන ආකාරයට සුදුසු දඬුවම් පමුණුවන ලෙස ඉල්ලා නීතිපතිවරයා විසින් අභියාචනාදීකරණයට ඇපෑලක් ඉදිරිපත් කර තිබුණි.

    ඒ අතර තමන්ට නියම වී ඇති සිරදඬුවමෙන් නිදොස් කොට නිදහස් කරන ලෙස ඉල්ලා ජූඞ් ශමන්ත ජයමහ නමැති විත්තිකරු විසින්ද අභියාචනාදීකරණයට ඇපෑලක් ඉදිරිපත් කරනු ලැබීය.

    එම ඇපල් පෙත්සම් දෙක විභාග කළ අභියාචනාදීකරණය සිය තීන්දුව ප්‍රකාශයට පත් කරමින් විත්තිකරුට කොළඹ මහාධිකරණය විසින් පැනවූ වසර 12 ක බරපතළ වැඩ සහිත සිර දඬුවම අහෝසි කොට මරණීය දණ්ඩනය නියම කිරීමට තීන්දු කර තිබුණි.

    එම තීන්දුවට එරෙහිව විත්තිකරු විසින් ශ්‍රේෂ්ඨාධිකරණය වෙත ඇපෑලක් ඉදිරිපත් කළත් එම ඇපෑල නිෂ්ප්‍රභ කරමින් විත්තිකරුට පැනවූ මරණීය දණ්ඩනය තහවුරු කිරීමට ශ්‍රේෂ්ඨාධිකරණය විසින් තීන්දු කරනු ලැබීය.

    ඉන් අනතුරුව හිටපු ජනාධිපති මෛත්‍රිපාල සිරිසේන විසින් 2019 වසරේ ඔහුට ජනාධිපති සමාව ප්‍රදානය කර අදාළ විත්තිකරු නිදහස් කිරීමට නියෝග කර තිබුණි.

    එහෙත් විදේශයකට පලා ගොස් සිටින ජූඩ් ශාමන්ත ජයමහ නමැති විත්තිකරු සම්බන්ධයෙන් මතුවන තත්ත්වය කුමක්දැයි, මෙම නඩු තීන්දුව ප්‍රකාශ වීමෙන් අනතුරුව බොහෝ දෙනා තුළ ගැටලුවක් මතුවී තිබේ. දැනට මෙම පුද්ගලයා ජීවත්වන බව වාර්තා වන්නේ සිංගප්පූරුවේයි. ඔහු ගෙන්වා ගන්නේ නම් උදර්පණ නීතිය බාවිතා කළ යුතුයි. නමුත් ඒ සඳහා බොහෝ කාලයක් ගතවන අතර ඒ සඳහා සිංගප්පූරු රජයද එකඟ විය යුතු වේ.

  • මෛත්‍රීපාල, පාස්කු ප්‍රහාරයේ මහ මොළකරු ඉන්දියාව බව කියලා

    මෛත්‍රීපාල, පාස්කු ප්‍රහාරයේ මහ මොළකරු ඉන්දියාව බව කියලා

    හිටපු ජනපති මෛත්‍රීපාල සිරිසේන පාස්කු ඉරුදින ත්‍රස්ත ප්‍රහාරයේ මහ මොළකරු ඉන්දියාව බව මෛත්‍රීපාල සිරිසේන පවසා ඇතැයි ‘සන්ඩේ ටයිම්ස්’ වාර්තා කර තිබේ.

    සමගි ජන බලවේග පාර්ලිමේන්තු මන්ත්‍රී ආචාර්ය හර්ෂ ද සිල්වා පසුගියදා පැවති මාධ්‍ය හමුවකදී මෙම පුවත්පත් වාර්තාවක් උපුටා දක්වමින් පැවසුවේ මේ ප්‍රකශය හරහා රාජ තාන්ත්‍රික ප්‍රශ්නයක් මතුවිය හැකි බවයි.

    පාස්කු ප්‍රහාරය සිදුකළේ කවුරුන්දැයි තමා දන්නා බවට හිටපු ජනපති මෛත්‍රීපාල සිරිසේන සිදුකළ ප්‍රකාශයෙන් පසුව අපරාධ පරීක්ෂණ දෙපාර්තමේන්තුව ඔහුගෙන් පැය පහක ප්‍රකාශයක් සටහන් කරගෙන තිබුණි.

    එම ප්‍රකාශ ලබාදීමේදී පාස්කු ප්‍රහාරයේ මහ මොළකරු ඉන්දියාව බවත් ඒ බව ඉන්දියාවේ ඉහළ රාජ්‍ය තාන්ත්‍රිකයෙකු තමන්ට පැවසූ බවත් සඳහන් කර ඇත.මෙම ප්‍රහාරය සිදුකිරීමට හේතුව ඉන්දියානු ව්‍යාපෘති මෙරට තුළ ක්‍රියාත්මක වීමද බවද මෛත්‍රීපාල සිරිසේන පවසා ඇත.

  • මෛත්‍රීපාලද පාස්කු ප්‍රහාරයට වගකිව යුත්තෙකි!

    මෛත්‍රීපාලද පාස්කු ප්‍රහාරයට වගකිව යුත්තෙකි!

    පාස්කු ප්‍රහාරය සත්‍ය වශයෙන්ම කළ පුද්ගලයන් දන්නා බවත් අධිකරණය ඉල්ලීමක් හෝ නියෝගයක් කළහොත් ඒ පිළිබඳව ප්‍රකාශ කිරීමට සූදානම් බවත් හිටපු ජනාධිපති මෛත්‍රීපාල සිරිසේන පැවසීම සම්බන්ධයෙන් ජනතාවගේ අවධානය යොමුව තිබේ.

    එම හෙළිකිරීමේ රහස්‍යභාවය රැකීම එම විනිශ්චකාරතුමන්ලාගේ වගකීමක් බව ද හිටපු මෛත්‍රීපාල සිරිසේන කීය.

    මහනුවරදී පැවැති උත්සවයකට සහභාගි වීමෙන් අනතුරුව මාධ්‍යයට අදහස් දක්වමින් හිටපු ජනාධිපති මෛත්‍රීපාල සිරිසේන එසේ පැවසීය.

    ‘පාස්තු දින’ ත්‍රස්ත ප්‍රහාරයට සම්බන්ධව දැන් නඩුවට ඉදිරිපත් කරන්නේ ද සිය පාලන කාලයේ අල්ලපු ත්‍රස්තවාදීන් බවත් ‘පාස්කු දින’ ත්‍රස්ත ප්‍රහාරය සැබෑ ලෙස කළේ කවුද යන්න කිසිවකු මේ දක්වා ප්‍රකාශ කර නොමැති බවත් ඔහු පවසයි.

    මෛත්‍රීපාල පාස්කු ප්‍රහාරය සම්බන්ධ නඩුවේ චූදිතයෙකු වියයුතු පුද්ගලයෙකු මිස ජනතාවට සිදුවූ අයුක්තිය ගැන කම්පා වූ ජනතාව වීරයෙකු නොවේ. මෙම ප්‍රහාරය සිදුවෙන බව ඔහු දැන සිට තිබූ අතර එය වැලැක්වීමට ජනාධිපතිවරයා ලෙස කිසිදු පියවරක් ගෙන නොතිබුණි.

    ප්‍රහාරය සිදුවී වසර ගණනාවකට පසු විටින් විට මෛත්‍රීපාල මේ ආකාරයේ විවිධ ප්‍රකාශ කරනු දක්නට ලැබේ. නමුත් ඒ කිසිදු අවස්ථාවක පැහැදිලි චෝදනාවක් ඉදිරිපත් කළ බව ජනතාවට මතක නැත.

    මෛත්‍රීපාලගේ උත්සාහය වී ඇත්තේ මෙම සිදුවීම සම්බන්ධයෙන් ජනතාව තුළ වන කම්පනය පාවිච්චි කරමින් දේශපාලන වාසි ලබාගැනීම සහ තමන් එම චෝදනාවලින් නිදහස් වීමටයි.

  • පරණ සන්ධාන නැවත අලුත් වෙයි

    පරණ සන්ධාන නැවත අලුත් වෙයි

    ශ්‍රී ලංකා නිදහස් පක්ෂය මූලික කරගත් අලුත් සන්ධානයක් ගොඩනැගීමේ සාකච්ඡා සිදුකෙරෙමින් පවතින බවද එහි නායකත්ව මණ්ඩලයට ශ්‍රී ලංකා නිදහස් පක්ෂයෙන් හිටපු ජනාධිපතිවරුන් වන මෛත්‍රීපාල සිරිසේන සහ චන්ද්‍රිකා බණ්ඩාරනායක යෝජනා කර ඇති බවට එම පක්ෂයේ අභ්‍යන්තර ආරංචි මාර්ග සඳහන් කරයි.

    නව සන්ධානයද එක්සත් ජනතා නිදහස් සන්ධානයේ නම යෝජනා වී ඇති බවද එහෙත් එහි ලේකම් දූරය සම්බන්ධයෙන් පවතින ගැටලුවක් නිසා පුටුව ලකුණ යටතේ පවතින ශ්‍රී ලංකා පොදුජන පෙරමුණ නම භාවිතා කිරීමේ වැඩි ඉඩකඩක් පවතින බවද එම ආරංචි මාර්ග සඳහන් කරයි.

    මෙම සන්ධානයට ශ්‍රී ලංකා නිදහස් පක්ෂය, මහජන එක්සත් පෙරමුණ, ශ්‍රී ලංකාවේ කොමියුනිස්ට් පක්ෂය ඇතුලු සන්ධානයේ හිටපු පක්ෂ කීහිපයක් එකතු වීමට කැමැත්ත පළ කර ඇති බවද වාර්තාවේ.

    නිමල් ලංසා හිටපු අමාත්‍යවරයාගේ ප්‍රධානත්වයෙන් ඇරඹි නව සන්ධානයද මෙම සන්ධානයට එක්වනු ඇති බවද වාර්තාවේ.

    මෙම සන්ධාන ‘අලුත්’ බව වාර්තා කර තිබුනද මේවායෙහි කිසිදු අලුත් බවක් නැති බව ජනතාව පවසමින් සිටියි. යහපාලන ආණ්ඩුව බලයට ගෙන ඒමේදී එහි මූලික කාර්ය භාරයක් ඉටුකරනු ලැබුවේ චන්ද්‍රිකා බණ්ඩාරනායකයි. එහිදී මෛත්‍රී නව යහපාලන සන්ධානයට එකතු කරගනු ලැබුවේද චන්ද්‍රිකා විසිනි. ඉදිරි මැතිවරණයකදීද සිදුවන්නේ බලය ලබාගැනීම වෙනුවෙන් මෙවැනි සන්ධාන, පිල් මාරු කරමින් පරණ මුහුනුම අලුත් බවකින් පැමිණීමයි. එසේම ඔවුන් ඉදිරිපත් කරන ප්‍රතිපත්තිද කිසිදු වෙනසක් නොවනු ඇති බවට මත පළවෙමින් පවතියි.

  • ආර්ථික අර්බුදයට ඇතිකලෙත් ජනතාවද?

    ආර්ථික අර්බුදයට ඇතිකලෙත් ජනතාවද?

    දැනට පෙනෙන්නට තිබෙන තත්ත්වය වන්නේ ආර්ථික අර්බුදයේ වගකීම අවසානයේ ජනතාවට බාරගන්නට සිදුවෙන බවයි. පසුගියදා ශ්‍රේෂ්ඨාධිකරණය ලබාදුන් තීන්දුව සම්බන්ධයෙන් පක්ෂවල නායකයන් එකිනෙකාට ඇඟිල්ල දිගුකරගනිමින් සිටියි. දැනටත් ආර්ථික අර්බුදයේ බර දරමින් සිටින්නේ ජනතාවයි. ඉදිරියේදී ආර්ථික අර්බුදයක් ඇතිවීමට හේතුව ජනතාවට නිකම් කන්න දුන් නිසා බව පැවසුවොත් පුදුම විය යුතු නැත.

    රට බංකොලොත් කලේ යහපාලන ආණ්ඩුව – මහින්ද

    රට බංකොලොත් කිරීමේ වගකීම භාරගත යුත්තේ රාජපක්ෂවරුන් නොව එදා යහපාලන ආණ්ඩුවේ දායකයන්ව සිටි වත්මන් සජබ ලොක්කන් යැයි
    හිටපු ජනාධිපති මහින්ද රාජපක්ෂ පවසයි.

    තමන් 2015 මැතිවරණය පරාජයට පත්වන විට රටේ ආර්ථික වර්ධන වේගය 7% ක් බවත්, එහෙත් යහපාලනයෙන් පසුව 2020 නැවත රට භාරගන්නා විට ආර්ථික වර්ධන වේගය 2%කට බැස්සවූයේ රාජපක්ෂවරුන්දැයි තමන් සජබ ප්‍රධානීන්ගෙන් ප්‍රශ්න කරන වග හිටපු ජනාධිපතිවරයා සඳහන් කර ඇත.

    තමන් ශ්‍රේෂ්ඨාධිකරණය ලබාදුන් තීරණයට උපරිම ලෙස ගෞරව කරන බව සඳහන් කළ මහින්ද රාජපක්ෂ හිටපු ජනාධිපතිවරයා, 2019 පත්වූ ගෝඨාභය රාජපක්ෂ ගේ ආණ්ඩුව බදු අඩු කරන බවට සිය පක්ෂ ප්‍රතිපත්ති ප්‍රකාශනය මගින් ප්‍රතිඥා දුන් බවද කීය. එයට ලැබුණු ජනවරම අනුව ක්‍රියාත්මක වී බදු අඩුකිරීම වරදක් වන්නේ කෙසේදැයි තමන් සජබයෙන් ප්‍රශ්න කරන වගද මහින්ද රාජපක්ෂ වැඩිදුරටත් කීය.

    එසේම එදා ජාත්‍යන්තර මූල්‍ය අරමුදලට ගොස් ඔවුන්ගේ වැඩසටහනට සම්බන්ධ නොවූයේ රජයේ ප්‍රතිපත්ති තීරණයක් අනුව බවත් ඔහු කීය.

    මෙහි හාස්‍යයට කරුණ වන්නේ වැට් බදු ඇතුළු බදු අඩුකිරීමට එරෙහිව උසාවි ගිය විද්වතුන් වත්මන් ආණ්ඩුව මූල්‍ය අරමුදලේ නිර්දේශ මත බදු විශාල ලෙස ඉහළ දමන විට ඊට එරෙහිව මහ පාරේ පෙළපාළි යාම යැයිද හිටපු ජනාධිපතිවරයා ප්‍රකාශ කර ඇත.

    හිටපු ජනාධිපති මහින්ද රාජපක්ෂ එම කරුණු සඳහන් කර තිබුනේ ‘දේශය’ පුවත්පතට ප්‍රකාශයක් ලබාදෙමිනි.

    ‘ආර්ථිකය විනාශ කළේ කවුරුන්දැයි ශ්‍රේෂ්ඨාධිකරණයෙන් තීන්දුවෙලා’ – මෛත්‍රීපාල

    මේ අතර යහපාලන ආණ්ඩුවේ ජනාධිපති මෙවර අයවැය විවාදයේදී අදහස් දක්වමින්, මෙරට ආර්ථිකය විනාශ කළේ කවුරුන්දැයි ශ්‍රේෂ්ඨාධිකරණය විසින් තීන්දු කර ඇතැයි පැවසිය.

    ” පසුගිය දිනක ශ්‍රේෂ්ඨාධිකරණය දුන් තීන්දුව පිළිබඳව කවුරුන් කෙසේ කීවත් මෙරට ආර්ථිකය විනාශ කළේ කවුරුන්ද පිළිබඳව ශ්‍රේෂ්ඨාධිකරණය තීන්දු කරලා තියෙනවා. ඒ පිළිබඳව ශ්‍රේෂ්ඨාධිකරණයට අපේ ගෞරවය සහ ස්තුතිය පුද කරනවා වගේම මේ සම්බන්ධයෙන් තේරීම් කාරක සභාවක් දැමීම පිලිබඳවත් අපි සම්පූර්ණයෙන්ම විරුද්ධ වෙනවා. විනිශ්චයකාර තුමන්ලා පාර්ලිමේන්තුවට ගෙනල්ලා ඒවා පිළිබඳව ප්‍රශ්න කිරීමට තරම් අපේ තේරීම් කාරක සභා ප්‍රබුද්ධ නැහැ තේරීම් කාරක සභා ඉතාමත්ම අසාර්ථකයි. අපේ පාර්ලිමේන්තුව පාර්ලිමේන්තුවේ ඒ නිසා එය අපි සම්පූර්ණයෙන්ම ප්‍රතික්ෂේප කරනවා. අපි අධිකරණයට විශේෂයෙන්ම ස්තූතිවන්ත වෙනවා ඒ ගත්තු තීරණයට.” යයි ද මෛත්‍රීපාල සිරිසේන හිටපු ජනාධිපතිවරයා පැවසිය.

     

  • රෝයල් පාර්ක් ඝාතකයාට සමාව දීමට රතන හිමි බලපෑම් කළ බවට අනාවරණයක්

    රෝයල් පාර්ක් ඝාතකයාට සමාව දීමට රතන හිමි බලපෑම් කළ බවට අනාවරණයක්

    රෝයල් පාර්ක් ඝාතන සිද්ධියේදී තරුණියක් කෘර ලෙස ඝාතනය කිරීම සම්බන්ධයෙන් මරණීය දණ්ඩනය නියම වී සිටි ජූඩ් ශ්‍රමන්ත ජයමහ නැමැත්තාට ජනාධිපති සමාව ප්‍රදානය කර නිදහස් කරන ලෙස පූජ්‍ය අතුරලියේ රතන හිමියන් ඇතුළු පිරිසක් වාචිකව සහ හමුවී එවකට ජනාධිපති මෛත්‍රිපාල සිරිසේන වෙත කරුණු ඉදිරිපත් කර තිබූ බව ශ්‍රේෂ්ඨාධිකරණය හමුවේ අද (ජුනි 12 වැනිදා) අනාවරණය වී ඇත.

    විත්තිකරුට ජනාධිපති සමාව ප්‍රදානය කර ඔහු නිදහස් කිරීමට හිටපු ජනාධිපති මෛත්‍රිපාල සිරිසේන ගත් තීරණය බලරහිත කර ලෙස ඉල්ලා කාන්තා මාධ්‍ය සංවිධාන එකමුතුව විසින් ගොනු කළ මූලික අයිතිවාසිකම් පෙත්සම අද යළි විභාගයට ගත් අවස්ථාවේදී පෙත්සම්කාර සංවිධානය වෙනුවෙන් පෙනී සිටි ජනාධිපති නීතිඥ සංජීව ජයවර්ධන මෙම කරුණ අධිකරණය හමුවේ සඳහන් කර තිබේ.

    පෙත්සම්කාර පාර්ශවය වෙනුවෙන් පෙනී සිටි ජනාධිපති නීතිඥ සංජීව ජයවර්ධන අධිකරණය හමුවේ ඉදිරිපත් වී තිබූ ජනාධිපති සහකාර ලේකම්වරයෙකු විසින් නිකුත් කළ ලිපියක් උපුටා දක්වමින් කරුණු ඉදිරිපත් කළේය.

    එම ලිපියේ අන්තර්ගත කරුණු වලට අනුව පූජ්‍ය අතුරලියේ රතන, පූජ්‍ය බද්දේගම සමිත, පූජ්‍ය බලංගොඩ බුද්ධඝෝෂ යන හිමිවරුන් සහ මරණීය දණ්ඩනය නියම වූ විත්තිකරුගේ මව වන එස්. ජේ. එම්. ජයමහ, දකුණු පළාත් කතෝලික පදවියේ රදගුරු රේමන් වික්‍රමසිංහ පියතුමා, සරත් කෝන්ගහගේ, මහේෂ් මඩවල, නාලනී මනතුංග යන අය අදාළ විත්තිකරුට සමාව ප්‍රදානය කර නිදහස් කරන ලෙස වාචිකව හා හමුවී ජනාධිපතිවරයා වෙත කරුණු ඉදිරිපත් කර තිබූ බව අනාවරණය වන්නේ යැයිද ජනාධිපති නීතිඥවරයා විවෘත අධිකරණය හමුවේ පැවසීය.

    මේ ආකාරයේ ඉල්ලීමක් කිරීමට මෙම පුද්ගලයින්ට පවතින නෛතික බලය කුමක් දැයි ප්‍රශ්න කළ ජනාධිපති නීතිඥවරයා සමාව ප්‍රදානය කිරීමට අධිකරණ අමාත්‍යාංශය හරහා නීතිපති දෙපාර්තමේන්තුවෙන් හා දඬුවම ලබාදුන් විනිසුරුවරුන්ගෙන් වාර්තා කැඳවීමක් කර නොමැති බවත් අනාවරණය කළේය.

    එහිදී ත්‍රිපුද්ගල විනිසුරු මඩුල්ලේ සාමාජික විනිසුරු යසන්ත කෝදාගොඩ ද කියා සිටියේ මෙම විත්තිකරුට සමාව ප්‍රදානය කිරීමට පෙර ඒ සම්බන්ධයෙන් දඬුවම් ලබා දුන් කොළඹ මහාධිකරණයේ සහ අභියාචනාධිකරණයේ විනිසුරුවරුන්ගෙන් වාර්තා කැඳවීමක් කර නොමැති බව පෙනී යන බවය.

    මෙම ක්‍රියාවලිය අදහාගත නොහැකි බවත් විනිසුරුවරයා පැවසීය.

    රාජගිරිය රෝයල් පාර්ක්‌ සුපිරි නිවාස සංකීර්ණයේ දී 2005 වසරේ ජූනි 30 වෙනිදා 19 හැවිරිදි ඉවෝන් ජොන්සන් නමැති තරුණිය ඝාතනය කිරීමේ චෝදනාවට ජූඩ් ශ්‍රමන්ත ඇන්තනි ජයමහ එම වසරේ දීම අත්අඩංගුවට ගැනිණි.

    ඉවොන් ජොන්සන්ගේ ගෙල ඇඟලා සිටි ඇඳුමකින් සිර කර තිබූ අතර, හිස සිමෙන්ති පොළොවේ ගැසීමෙන් හිස් කබලේ බිඳීම් 64ක් තිබූ බව මරණ පරීක්ෂණ වාර්තාවේ සඳහන් විය.

    ඉන්පසු කොළඹ මහාධිකරණයේ පැවති දීර්ඝ නඩු විභාගයකින් පසු 2012 වර්ෂයේ දී ඔහුට දොළොස් වසරක සිර දඬුවමක් නියම කෙරිණි.

    එයට එරෙහිව පැමිණිලිකරුවන් ඉදිරිපත් කළ අභියාචනයෙන් පසු අභියාචනාධිකරණය 2012 වර්ෂයේ දී ඔහුට මරණ දඬුවම ලබා දුන්නේය. පසුව විත්තිකරුවන් ශ්‍රේෂ්ඨාධිකරණයට අභියාචනය කරන ලද අතර, එහිදී නැවතත් විත්තිකරුට මරණ දඬුවම ස්ථීර කරමින් තීන්දුවක් ලබා දුන්නේය.

  • හිටපු ජනපතිල නඩත්තුවට මිලියන ගණනින් මුදල් වෙන් වෙන හැටි

    හිටපු ජනපතිල නඩත්තුවට මිලියන ගණනින් මුදල් වෙන් වෙන හැටි

    2023 වසරේදී හිටපු ජනාධිපතිවරුන් සඳහා රජයේ මුදල් මිලියන ගණනක් අඛණ්ඩව වෙන් කර ඇති ආකාරය දැක්වෙන වාර්තාවක් නිකුත් වී තිබේ.

    එයින් වැඩි ප්‍රමාණයක් වෙන් වී ඇත්තේ ඔවුන්ගේ රජයේ නිවාස සහ වාහන නඩත්තු කිරීම සඳහායි.

    මේ වන විට චන්ද්‍රිකා කුමාරතුංග, මහින්ද රාජපක්ෂ, මෛත්‍රීපාල සිරිසේන සහ ගෝඨාභය රාජපක්ෂ යන හිටපු ජනාධිපතිවරුන් 4 දෙනෙකු සඳහා රජයට මුදල් වෙන් කිරීමට සිදුව තිබේ. රණසිංහ ප්‍රේමදාසගේ බිරිඳ වන හේමා ප්‍රේමදාසට ද මේ යටතේ ප්‍රතිපාදන ලැබේ.

    චන්ද්‍රිකා කුමාරතුංග –

    නිල සංඛ්‍යාලේඛනවලට අනුව, 2023 සඳහා මහා භාණ්ඩාගාරය චන්ද්‍රිකා කුමාරතුංගට විශ්‍රාම ප්‍රතිලාභ ලෙස රුපියල් 1,170,000 ක් වෙන් කර ඇති අතර එය 2022 සඳහා වෙන් කර ඇති සංඛ්‍යාවම වේ. ‘වෙනත්’ යන කොටස යටතේ කුමාරතුංග මහතාට වසර 2023 සඳහා තවත් රුපියල් 3,500,000 ක් වෙන් කර ඇත. 2022 සඳහා වෙන් කර ඇති රුපියල් මිලියන 3 සහ 2021 සඳහා වෙන් කර ඇති රුපියල් මිලියන 1.4 ට සාපේක්ෂව වැඩි වීමකි. ප්‍රාග්ධන වියදම් යටතේ කුමාරතුංගට ‘ගොඩනැගිලි සහ ව්‍යුහයන්’ යටතේ රුපියල් මිලියනයක් වෙන් කර ඇති අතර එය 2022 සඳහා වෙන් කර ඇති මුදලම වේ.

    2022 සඳහා වෙන් කළ රුපියල් මිලියන 2ට සාපේක්ෂව 2023 දී වාහන සඳහා රුපියල් මිලියන 10 ක දැවැන්ත මුදලක් වෙන් කර ඇත.

    මහින්ද රාජපක්ෂ –

    2023 වසර සඳහා මහා භාණ්ඩාගාරය විසින් මහින්ද රාජපක්ෂට විශ්‍රාම ප්‍රතිලාභ ලෙස රුපියල් 1,170,000ක් වෙන් කර ඇති බව නිල සංඛ්‍යාලේඛන පෙන්වා දෙයි, එය 2022 සඳහා වෙන් කර ඇති අගයම වේ. “වෙනත්” යන කොටස යටතේ මහින්ද රාජපක්ෂට තවත් රුපියල් මිලියන 11 ක් වෙන් කර ඇත. 2023 එය 2022 සඳහා වෙන් කර ඇති රුපියල් මිලියන 10 සහ 2021 සඳහා වෙන් කර ඇති රුපියල් මිලියන 6.8 ට සාපේක්ෂව වැඩි වීමකි. ප්‍රාග්ධන වියදම් යටතේ මහින්ද රාජපක්ෂ මහතාට ‘ගොඩනැගිලි සහ ව්‍යුහයන්’ යටතේ රුපියල් මිලියනයක් වෙන් කර ඇති අතර එය 2022 සඳහා වෙන් කළ මුදලම වේ.

    2022 සඳහා වෙන් කළ රුපියල් මිලියන 2ට සාපේක්ෂව 2023 දී වාහන සඳහා රුපියල් මිලියන 10 ක දැවැන්ත මුදලක් වෙන් කර ඇත.

    ආර්ථික අර්බුදය මධ්‍යයේ පවා රුපියල් මිලියන 800ක අතිවිශාල මුදලකින් පිළිසකර කළ කොළඹ 7 විජේරාම පාරේ පදිංචියට මහින්ද රාජපක්ෂ මෑතකදි යන ලදි. විජේරාම නිවසේ අලුත්වැඩියා කටයුතු කරමින් සිටියදී තාවකාලිකව ඔහුට ලබා දුන් බෞද්ධාලෝක මාවතේ රාජ්‍ය නිවස මේ වන විට ඔහුගේ සොහොයුරා වන හිටපු ජනාධිපති ගෝඨාභය රාජපක්ෂට පවරා දී ඇත්තේ 2022 ජූලි මාසයේදී ඔහුගේ වැරදි කළමනාකාරිත්වය හේතුවෙන් ධුරයෙන් ඉවත් වීමට සිදු වීමෙනුත් පසුවයි.

    2022 දී, මහා භාණ්ඩාගාරය විසින් මහින්ද රාජපක්ෂ අග්‍රාමාත්‍යවරයාව සිටියදී ‘අතිකාල සහ නිවාඩු ගෙවීම්’ යටතේ රුපියල් මිලියන 70ක් අග්‍රාමාත්‍ය කාර්යාලයට වෙන් කරන ලදී, එය 2021 දී වෙන් කළ රුපියල් මිලියන 74 සිට අඩු වීමකි. ‘දේශීය හා විදේශ ගමන් වියදම්’ සඳහා. , මහා භාණ්ඩාගාරය 2022 දී රුපියල් මිලියන 12 ක් වෙන් කරන ලදී, එය 2021 සඳහා වෙන් කළ රුපියල් මිලියන 37 සිට අඩු වීමකි.

    2022 සඳහා ‘නඩත්තු වියදම්’ යටතේ, 2021 සඳහා වෙන් කර ඇති රුපියල් මිලියන 213 ට සාපේක්ෂව අග්‍රාමාත්‍ය කාර්යාලය නඩත්තු කිරීම සඳහා භාණ්ඩාගාරයෙන් රුපියල් මිලියන 229 ක් වෙන් කරන ලදී.

    2022 මැයි මාසයේදී ගෝඨාභය රාජපක්ෂ මහතාට සහ රජයට එරෙහිව රටපුරා ඇති වූ විරෝධතා හේතුවෙන් මහින්ද රාජපක්ෂ මහතා අගමැති ධූරයෙන් ඉල්ලා අස්විය.

    මෛත්‍රීපාල සිරිසේන –

    2023 සඳහා මහා භාණ්ඩාගාරය විසින් මෛත්‍රීපාල සිරිසේනට විශ්‍රාම ප්‍රතිලාභ ලෙස රුපියල් 1,170,000ක් වෙන් කර ඇති බව නිල සංඛ්‍යාලේඛන පෙන්වා දෙයි. එය 2022 සඳහා වෙන් කළ අගයම වේ. ‘වෙනත්’ යන කොටස යටතේ සිරිසේනට 2023 සඳහා තවත් රුපියල් මිලියන 11ක් වෙන් කර ඇත. 2022 සඳහා වෙන් කර ඇති රුපියල් මිලියන 10 සහ 2021 සඳහා වෙන් කර ඇති රුපියල් මිලියන 7.9 ට සාපේක්ෂව වැඩි වීමකි. ප්‍රාග්ධන වියදම් යටතේ සිරිසේනට ‘ගොඩනැගිලි සහ ව්‍යුහයන්’ යටතේ රුපියල් මිලියනයක් වෙන් කර ඇති අතර එය 2022 සඳහා වෙන් කළ මුදලම වේ.

    2022 සඳහා වෙන් කළ රුපියල් මිලියන 2ට සාපේක්ෂව 2023 දී වාහන සඳහා රුපියල් මිලියන 10 ක දැවැන්ත මුදලක් වෙන් කර ඇත.

    ගෝඨාභය රාජපක්ෂ –

    නිල සංඛ්‍යාලේඛන පෙන්වා දෙන්නේ 2023 වසර සඳහා ගෝඨාභය රාජපක්ෂට විශ්‍රාම ප්‍රතිලාභ ලෙස මහා භාණ්ඩාගාරය රුපියල් 1,170,000ක් වෙන් කර ඇති බවයි. ‘වෙනත්’ යන ප්‍රදේශය යටතේ 2023 වසර සඳහා ගෝඨාභයට තවත් රුපියල් මිලියන 10ක් වෙන් කර ඇත. ප්‍රාග්ධන වියදම් යටතේ ‘ගොඩනැගිලි සහ ව්‍යුහය’ යටතේ ගෝඨාභයට රුපියල් මිලියනයක් වෙන් කර ඇත.

    2023 වසරේ වාහන සඳහා රුපියල් මිලියන 2ක් වෙන්කර ඇත.

    හේමා ප්‍රේමදාස-

    රණසිංහ ප්‍රේමදාස මහතාගේ බිරිඳ වන හේමා ප්‍රේමදාසට 2023 වසර සඳහා මහා භාණ්ඩාගාරයෙන් රුපියල් 780,000ක් විශ්‍රාම ප්‍රතිලාභ ලෙස වෙන් කර ඇති බව නිල සංඛ්‍යාලේඛන පෙන්වා දෙයි. එය 2022 සඳහා වෙන් කළ අගයම වේ. වෙනත් නම් කොටස යටතේ හේමාට තවත් රු. 2023 සඳහා රුපියල් 1,500,000 ක් වන අතර එය 2022 සඳහා වෙන් කර ඇති රුපියල් 1,300,000 සහ 2021 සඳහා වෙන් කර ඇති රුපියල් 770,000 ට සාපේක්ෂව වැඩි වීමකි. ප්‍රාග්ධන වියදම් යටතේ, හේමාට ‘ගොඩනැගිලි සඳහා’ රුපියල් මිලියන 1 ක් වෙන් කර ඇත. .

    2022 සඳහා වෙන් කළ රුපියල් ලක්ෂ 8ට සාපේක්ෂව 2023 වසරේ වාහන සඳහා රුපියල් ලක්ෂ 50ක දැවැන්ත මුදලක් වෙන්කර තිබෙනවා.