ප්‍රගතිශීලී සියලු කොටස් ප්‍රජාත්නත්‍රවාදය දිනාගැනීම සඳහා එක්විය යුතුයි – කුමාර් ගුණරත්නම්

වාමාංශික, ප්‍රගතිශීලී, ප්‍රජාතන්ත්‍ර ලැදි සියලු ජනතාව  ප්‍රජාතන්ත්‍රවාදය දිනාගැනීම සඳහා වූ පළල් ව්‍යාපාරක් වෙත ඒකරාශී විය යුතු බව පෙරටුගාමී සමාජවාදී පක්ෂයේ ප්‍රධාන ලේකම් කුමාර් ගුණරත්නම් පවසයි. පසුගිය 9වනදා පැවති උද්ඝෝෂණය අවස්ථාවේ සහ ඊට පෙර පොලීසිය විසින් සිදුකළ අත්අඩංගුවට ගැනීම්වලට අදාළ අද කොටුව මහේස්ත්‍රාත් අධිකරණයේ පැවති නඩු විභාගයෙන් අනතුරුව අදහස් දක්වමින් ඔහු මේ බව පැවසීය. ආණ්ඩුව පොලිසිය යොදවා පෙරටුගාමී සමාජවාදී පක්ෂයේ සාමාජිකයන්ට මැර ප්‍රහාරයක් එල්ල කොට ඔවුන් අත්අඩංගුවට ගැනීමට පියවර ගත්තේ ඊනියා දේශප්‍රේමී ආණ්ඩුවේ ඇමරිකානු ගැතිභාවය නිසා යැයි ද ඔහු මෙහිදී පැවසීය.