ඊශ්‍රායල අමාත්‍ය ඉටමාර් බෙන්-ග්විර් විසින් පළ කරන ලද “Global Sumud Flotilla” රැඳවියන්ට අමානුෂික ලෙස සැලකීම නිරූපණය කරන වීඩියෝ දර්ශන පිළිබඳව ලෝකයේම අවධානය යොමුව තිබේ.

මේ පිළිබඳ ශ්‍රී ලංකා රජය දැඩි කනස්සල්ලක් පළ කළ බව විදේශ කටයුතු, විදේශ රැකියා සහ සංචාරක අමාත්‍යාංශය පැවසීය.

පසුගියදා ශ්‍රී ලංකාව නියෝජනය කරමින් මෙම “Global Sumud Flotilla” සමඟ එක්වූ සමීරා මෝහබ්දින්ද පසුගියදා ඊශ්‍රායල අත්අඩංගුවට පත්විය.

සමීරාට ක්ෂණික කොන්සියුලර් ප්‍රවේශය ලබා ගැනීම සඳහා රාජ්‍ය තාන්ත්‍රික මාර්ග හරහා ඊශ්‍රායල විදේශ අමාත්‍යාංශය සමඟ දැනටමත් කටයුතු කරමින් සිටින බව විදේශ කටයුතු අමාත්‍යාංශය පවසා තිබේ. ඇයගේ ආරක්ෂාව, යහපැවැත්ම සහ ගෞරවය සහතික කිරීම මෙන්ම ශ්‍රී ලංකාවට කඩිනම් සහ ආරක්ෂිතව ආපසු ගෙන්වා ගැනීමට කටයුතු කරන බව ලංකාවේ බලධාරීන් පවසයි.