ශ්‍රී ලංකා මහ බැංකුවේ 75 වන සංවත්සරය නිමිත්තෙන් රුපියල් 2000 සමරු නෝට්ටුවක් මුද්‍රණය කර තියෙනවා. එම නව සමරු නෝට්ටුව මහ බැංකු අධිපති නන්දලාල් වීරසිංහ විසින් අගෝස්තු 29 වෙනදා පෙරවරුවේ ජනාධිපති කාර්යාලයේදී ජනාධිපති අනුර කුමාර දිසානායක වෙත පිළිගන්වන ලදී. මේ සමරු මුදල් නෝට්ටුවේ විශේෂත්වය වන්නේ සීමිත ප්‍රමාණයකින් මුද්‍රණය කර එය සංසරණය සඳහා මුදා හැරීමට කටයුතු කිරීමයි .
රුපියල් දෙදහේ සමරු මුදල් නෝට්ටුවෙන් මිලියන 50ක සීමිත මුදල් නෝට්ටු ප්‍රමාණයක් අද සිට වාණිජ බැංකු හරහා එදිනෙදා පරිහරණය සඳහා නිකුත් කිරීමට මහ බැංකුව කටයුතු කර තිබෙනවා . මේ මුදල් නෝට්ටුව ශ්‍රී ලංකා මහ බැංකුව විසින් නිකුත් කරන ලද පස්වන සමරු මුදල් නෝට්ටුවයි.
