විදුලිබල සංශෝධන පනත් කෙටුම්පත ගැසට් කර එහි අඩංගු පෞද්ගලීකරණය කරමින් ප්‍රතිව්‍යූහතකරණය කිරීම සඳහා වූ වගන්ති ඉවත් කරන බව ආණ්ඩුව නිවේදනය කර තිබේ.
ඒ අනුව මීට පෙර පනතෙන් විදුලිබල මණ්ඩලය කොටස් 12කට වෙන් කර පෞද්ගලීකරණය කරමින් ප්‍රතිව්‍යූහතකරණය කිරීම සඳහා වූ වගන්ති ඉවත් කර තිබෙන බව පැවසේ.
නව සංශෝධන පනතින් විදුලිබල මණ්ඩලය කොටස් 4කට වෙන් කර 100%ක් රජය සතුව තබා ගැනීමේ වගන්ති ඉදිරිපත් කර ඇති බව බලශක්ති අමාත්‍යාංශය සඳහන් වේ.
අමාත්‍යාංශය පැවසුවේ කඩිනමින් එම පනත් කෙටුම්පත පාර්ලිමේන්තුවට ඉදිරිපත් කරන බවයි.
ආණ්ඩුව පසුගිය කාලයේ දිගින් දිගටම පැවසුවේ විදුලි බල මණ්ඩලය පෞද්ගලීකරණය කිරීම නොව ප්‍රතිවියුහගතකිරීමක් කරන බවයි. යොදාගන්නේ කුමන වචනයක් වුවත් සිදුවන්නේ එකම දෙයක් බව බොහෝ දෙනෙකුගේ අදහස විය.
නව විදුලි පනතක් ගෙන එන්නේ විදුලි බල මණ්ඩලය පෞද්ගලීකරණ කරන අදහසිනි. එසේ නොමැතිනම් පැරණි එකම පාවිච්චි කිරීමට ඉඩ තිබුණි. පනත අහෝසි නොකොට වගන්ති පමණක් ඉවත් කරන්නේ ඇයිද යන්න ගැන මේ අනුව සැක ඇතිවේ.
