දීර්ඝ කාලයක් තිස්සේ පැවති අධ්යාපනයට 6% ක් පමණවත් වෙන් කරන්න කියන ඉල්ලීම වර්තමාන රජය බලයට පත්වීම සඳහා යොදාගත් සටන් පාඨ අතර එකක් වෙනවා.
අද කොටුව දුම්රියපොළ ඉදිරිපිට අන්තර් විශ්ව විද්යාල ශිෂ්ය බල මණ්ඩලය උද්ඝෝෂණයක නිරත වුණේ ආණ්ඩුවට මේ කාරණය මතක් කරදීම සඳහායි. ඒ වගේම රනිල් රාජපක්ෂ පාලනය විසින් පාසල් උපකරණ සඳහා පනවා ඇති බද්ද අහෝසි කිරීමට ද මෙහිදී ආණ්ඩුවට යෝජනා කළ අතර මහපොළ ශිෂ්යාධාරය රුපියල් දහ දහ දක්වා වැඩි කරන ලෙසද යෝජනා කළා.
කෙසේ වෙතත් අන්තර් විශ්ව විද්යාල ශිෂ්ය බල මණ්ඩලය පෙන්වා දෙන්නේ අවම වශයෙන් 2025 අයවැය තුළදී අධ්යාපනයට වෙන් කරන මුදල 3% දක්වා වැඩිකර ක්රමානුකූලව 6% සීමාව කරා යන ලෙසයි.
කොටුව මහේස්ත්රාත් අධිකරණය අද අන්තරේට එරෙහිව නියෝගයක්ද පනවනු ලැබුවා. ජනාධිපති කාර්යාලය මුදල් අමාත්යාංශය වෙත උද්ඝෝෂකයන්ට යෑම අවහිර කරමිනුයි එම නියෝගය පනවනු ලැබුවේ.
