මේවනවිට ලක්ෂ 05ක පමණ පිරිසකගේ බිල ගෙවාගත නොහැකිව විදුලිය විසන්ධි කර ඇති බව අද පාර්ලිමේන්තුවේදී ද අනාවරණය වුණා. තවත් ලක්ෂ 05ට පමණ රතු නිවේදන යවා ඇති බව මෙහිදී පැවසුණි.
මේ අතර අද පුවත්පත් වාර්තා කර ඇත්තේ 2022 අවසන් වන විටත් පාර්ලිමේන්තු නියෝජිතයින්ගේ නිවෙස්වලට ලබාදී තිබූ විදුලි සම්බන්ධතා 74කට අදාළ රුපියල් මිලියන 16ක් නැවත අයකරගෙන නැති බවයි.
2022 වාර්ෂික විගණකාධිපති වාර්තාව මගින් සිදු කරන ලද අහඹු පරීක්ෂණයට අනුව මෙම තොරතුරු අනාවරණය විය.
වාර්තාවට අනුව එයින් සම්බන්ධතා 29 කට අදාළ රුපියල් මිලියන 5 ක් වසර හයකට වැඩි කාලයක් නොගෙවා තිබේ.
මේ අතර තවත් සම්බන්ධතා 30ට අදාළ රුපියල් මිලියන 3ක් වසරකට වැඩි කාලයක් අයකර නොගෙන ඉතිරිව තිබුණි.
සාමන්‍ය ජනතාවගේ විදුලි බිල රුපියල් 3000 ඉක්මවූ විට විදුලිය විසන්ධි කිරීමේ සිදුවීම් බහුල ලෙස වාර්තා වේ. නමුත් පාර්ලිමේන්තු මන්ත්‍රීවරුන්ට මිලියන ගණන් පොලු තැබීමේ වරප්‍රසාද හිමිව ඇත. වෙන එකක් තබා එම මන්ත්‍රීවරුන් කවුද යන්න පවා හෙළි නොකෙරේ.
