උල්තාපාතයක් වගෙයි
නව වැනිදා මැයි
පළ වෙනිදා නව වෙනිදා
ජන ගඟ පිරි මැයි

පෙර කිසිදා දැක නැති දා
මහ වැස්සක් මෙන්
ආ මිනිසා හිස ඔසවා
නැගිට්ට හැටි නං

උඩින් ගත්ත පින්තූරත්
බිමින් ගත්ත පින්තූරත්
ඉතිහාසය ලියා තියා ගියා
එතෙක් මෙතෙක් කොතෙක් කළක්
නො සිතූ දෙයක් කරපු දිනක් මැයි

කඳ පුණුවෝ
නරි නිරිඳෝ
ඈපා මාපා දෙටුවෝ
පුටු හැර දා
දිවි පරදා
වකුටු කරපු මැයි

සළිත ලලිත
කැළත දියත
වෙරළත පෙණ පිඬුව ලලිත
අරගල උරගල ජන රළ
කොළඹ වසාගත් මැයි බල
මොනා වුණත් අද නැති බල
එදා තමයි පුරවැසි බල

ඉන්දුචාප පාට පාට
සිත් ඇතුළත චක්‍රවාට
බලාපොරොත්තුවේ දෑත
අරං ආව නව වෙනිදා නේද පාට

ගූගල් කාචේ ද දෑස්
විවර වුණා ලොවම නිවුස්
පළා ගියපු ගෝඨා පුස්
උල්කාපාතය යට පස්

අරගලයයි නව වැනිදා
මැර බලයයි නව වැනිදා
ජන බලයයි නව වැනිදා
මැයි මාසන නව වැනිදා

09.05.23