මාර්තු මාසේ දෙවැනි දා හොරණ මූලික රෝහලේ හෘද රෝග අංශයේ පරණ විදුලි පංකාවක් කඩාවැටී හෘද රෝග සායනයට පැමිණි තිදෙනෙකුට තුවාල සිදුවී තිබේ . මෙම විදුලි පංකාව කඩා වැටීම හේතුවෙන් කාන්තාවකගේ කන කපා ගොස් ඇති අතර විදුලි පංකාව හිසමතට වැටුණු පුද්ගලයා බරපතළ කැපුම් තුවාල සහිතව මැහුම් දමන්නට වෛද්‍යවරයා පැමිණෙන තෙක් සවස 3 දක්වා සිට තිබෙන බව වාර්තා වෙනවා. සුළු කැපුම් තුවාල සහිතව සිටී පුද්ගලයෙකු ප්‍රතිකාර කිරීමෙන් අනතුරුව රෝහලෙන් පිටව ගොස් තිබේ.
කඩා වැටුණු විදුලි පංකාව ඇතුළු තවත් විදුලි පංකා ගණනාවක්ම ඒ ආකාරයෙන් අබලන් වී දිරාපත් වී තිබෙන බව දැක ගන්නට තිබුණු බව මේ අනතුරට මුහුණදුන් විජිත නයකසේන මහතා පවසනවා. ඒ පිළිබඳව පාලන අධිකාරිය වෙත දැනුම් දී තිබුණ ද තවමත් මේවා අලුත්වැඩියා කිරීමට කිසිදු උනන්දුවක් නොදක්වන බව ඒ මොහොතේ එතැන නොසන්සුන්ව සිටි ජනතාවට රෝහල් කාර්ය මණ්ඩල සේවකයන් පවසා තිබේ. දිගින් දිගටම රෝහල් කාර්ය මණ්ඩලය වෛද්‍යවරු ද මේ බව අදාළ නිලධාරීන්ට දැනුම් දුන්නත් ඔවුන් ඒවා නොසලකා හරින බවට සේවකයෝ චෝදනා කරයි.
මෙම සිදුවීමට කලින් ද මෙවැනි සිදුවීමක් වී තිබුණ ද එය ඒ සඳහා කිසිදු පියවරක් අනුගමනය කර නොමැති බවත් හෙද හෙදියන් රෝගීන්ට පවසා තිබෙන්නේ මේ සිදුවීමට අදාළව නීතිමය පියවර ගන්නට කටයුතු කරන ලෙසයි.
