ජනාධිපතිවරයාට විරෝධය පලකරමින් සමගි ජන බලවේගයේ පාර්ලිමේන්තු මන්ත්‍රී නලීන් බණ්ඩාර ඇතුළු ගොවීන් පිරිසක් ජනාධිපති මන්දිරය දෙසට ගමන්කිරීමට උත්සහ කිරීමේදී පොලීසිය ඔවුන් විසුරුවා හැරීම සඳහා කඳුළු ගෑස් ප්‍රහාර සහ ජල ප්‍රහාර එල්ල කළා.
විරෝධතාකරුවන් පොලිස් මාර්ග බාධක දෙකක් කඩා බිද දමමින් ජනාධිපති මන්දිරය දෙසට ගමන්කිරීමට යෑමේදී මෙම ප්‍රහාරය එල්ල වී තිබුණා.
මෙම තත්ත්වය ඇතිව තිබුණේ අද උදෑසන ජනාධිපති මන්දිරය ඉදිරිපිට විරෝධතාවයක නිරතව සිටි හිටපු පාර්ලිමේන්තු මන්ත්‍රී හිරුණිකා ප්‍රේමචන්ද්‍ර ඇතුළු පිරිසක් අත්අඩංගුවට ගනිමන් පසුවයි.
