භූමිතෙල් මිල ද ඉදිරි දින කිහිපයේදී අනිවාර්යෙන්ම වැඩි කරන බව විදුලිබල හා බලශක්ති අමාත්‍ය කංචන විජේසේකර පවසනවා
ඒ, ඊයේ (05) දින පාර්ලිමේන්තුව අමතමින්.
භූමිතෙල් ලීටරක් මේ වනවිට අලෙවි කෙරෙනුයේ රුපියල් 87 කට බවත් තෙල් සංස්ථාවට ලීටරයක් වෙනුවෙන් රුපියල් හාරසිය විස්සක් වියදම් වන බවත් අමාත්‍යවරයා එහිදී සඳහන් කර සිටියා.
මේ අවස්ථාවේ සමාජයේ පහළම තීරුව නියෝජනය කරන බොහෝ ජනතාවක් ආහාර පිසීම සඳහා අවශ්‍ය උඳුන් දල්වා ගන්නේ භූමිතෙල් බාවිතයෙන් වන අතර එහි මිල වැඩිවීම ජනතාවට දරා ගත නොහැකි දෙයක් වනු ඇත. පසුගිය සමයේ ජනතාව දින ගණන් භූමිතෙල් ලබා ගැනීමට පෝලිම්වල රැඳී සිටිනු දැකිය හැකිවිය.
