ලංකාවේ මුදල් ඇමතිවරයා ලෙස රනිල් වික්‍රමසිංහට ඩොලර් ප්‍රශ්නය විසඳීමට අදාළව අවශ්‍යතාවයක් හෝ සැලැස්මක් නොමැති බව ඇමති ධම්මික පෙරේරා පවසයි. ඔහු පවසන්නේ ලංකාවේ මතුව ඇති සියලු ප්‍රශ්න ඩොලර් ප්‍රශ්නය සමඟ සම්බන්ධ බවයි. එසේම රනිල් වික්‍රමසිංහ ඩොලර් ප්‍රශ්නය විසඳීමට අදාළව ඉදිරිපත්ව ඇති විසඳුම් ප්‍රමාද කරමින් සිටින බවද ධම්මික පෙරේරා පවසා තිබේ. ඒ අනුව රනිල් වික්‍රමසිංහ ඉල්ලා අස්විය යුතු බවද ඔහු පවසා තිබේ.
රනිල් වික්‍රමසිංහ සමඟ ප්‍රසිද්ධ විවාදයක් සඳහා අභියෝග කරන බවද මෙහිදී ධම්මික පෙරේරා පැවසීය.
ධම්මික පෙරේරාගේ ප්‍රකාශය හරහා මතුවී පෙනෙන්නේ ආණ්ඩුව තුළ මේ මොහොතේ මතුවී ඇති අභ්‍යන්තර අර්බුදයයි.
