පොලිස්පතිවරයා විසින් ආරක්ෂක අමාත්‍යාංශයේ ලේකම්වරයා වෙත යවන ලැදැයි කියන බුද්ධි තොරතුරු ඇතුළත් ලිපියක් සම්බන්ධයෙන් පෙරටුගාමී සමාජවාදී පක්ෂය අද (04) මාධ්‍ය හමු හමුවක් කැඳවමින් කැඳවමින් කරුණු පැහැදිලි කර සිටියා.
එහිදී අදහස් දක්වමින් එම පක්ෂයේ ප්‍රචාරක ලේකම් දුමින්ද නාගමුව පැවසුවේ එය තිර පිටපතක් බවයි.
”ඒ ගොල්ලම ප්‍රවෘත්තිය එළියට දානවා. ගහන්න ඉන්නවා කියලා ඒගොල්ලම ගහනවා ගහලා ලස්සනට පෙළ හදලා පිටපත සම්පූර්ණ කරනවා”
ඉදිරි දින කිහිපයේ රට තුළ දැවැන්ත මහජන නැගිටීමක් සිදුවන බවත් එකී මහජන උද්ඝෝෂණ මර්දනය සඳහා ආණ්ඩුව ක්‍රියා කරමින් සිටින බවත් පවසන දුමින්ද නාගමුව වැඩිදුරටත් කියා සිටින්නේ, පෙරටුගාමී සමාජවාදී පක්ෂය ඉලක්ක කර ගෙන යම් මර්දනකාරී පත්තත්වයකට සූදානම් වනවා ද යන සැකය ඉදිරිපත් කර ඇති ලේඛන හරහා මතුවන බවයි.
”අපි පැහැදිලිව කියනවා. මේ මර්දනයට අපි ඉඩ දෙන්නේ නෑ. ජනතාවටත් අපි කියනවා මේ මර්දනයට විරුද්ධව පෙරට එන්න”
කළු කොටි සැමරුම’ යෙදෙන හෙට (05) හෝ අනින්දා (06) උතුරු, නැගෙනහිර හෝ දකුණු පළාත ඉලක්කකරගෙන බෝම්බ ප්‍රහාරයක්, යම් කඩාකප්පල්කාරී ක්‍රියාවක් කර එය එල්. ටී. ටී. ඊ. සංවිධානය විසින් කරන ලද්දක් යැයි ඒත්තු ගැන්වීමට සුදානමක් පවතින බවට විශේෂිත තොරතුරක් ලැබී ඇතැයි පොලිස්පති සී. ඩී. වික්‍රමරත්න ආරක්ෂක ලේකම් විශ්‍රාමික ජෙනරාල් කමල් ගුණරත්නට මෙම ලිපිය යොමු කරමින් දැනුම් දී ඇත.
මෙම ලිපියෙන් තොරතුර දැනුම් දෙන ආකාරයට අදාළ ප්‍රහාරය එල්ල කරනු ලබන බවට සඳහන් වන්නේ විදේශීය ඔත්තු සේවාවක සාමාජිකයන් පිරිසක් විසිනි.
මේ හේතුවෙන් දැනටමත් යාපනය ප්‍රදේශයේ විදේශීය ආයතනවල සේවය කරන පිරිස් සහ ප්‍රභූවරුන්ට මෙම දින දෙක තුළ කිසිදු උත්සවයකට සහභාගී නොවන ලෙසට යම් දැනුම් දීමක් කර ඇතැයි ද එම ලිපියේ සදහන් වෙයි.
මේ අතර, ඉදිරියේදී ප්‍රාදේශීය සභා මන්ත්‍රින් ඇතුළු දේශපාලනඥයන් ඉලක්ක කර ඔවුන්ට සහ ඔවුන්ගේ නිවාසවලට ද යම් ප්‍රහාරයක් එල්ල කර ඔවුන් මගින් රජයට බලපෑම්කර රජය අපහසුතාවට පත් කිරීම සදහා ජනතා විමුක්ති පෙරමුණ සහ පෙරටුගාමී පක්ෂවලින් සහ විපක්ෂ කණ්ඩායම් මගින් සැලසුම් කර ඇති බවට තමා වෙත වාර්තා කර ඇතැයි ද පොලිස්පතිවරයා මෙම ලිපියෙන් දැනුම් දී ඇත.
