රටේ පවතින වර්තමාන අර්බුදයන් වලට වගකිව යුත්තා වූ ජනාධිපති ගෝඨාභය රාජපක්ෂට එරෙහිව ජනතාව වීදි බසින්නට පටන් ගෙන එළඹෙන 9 වැනිදාට මාස දෙකක් ගත වෙනවා. ගාලුමුවදොර භූමිය ජනාධිපති ලේකම් කාර්යාලය අසල රටේ ජනතාව අරගල බිමක් නිර්මාණය කළේ ගෝඨාභය රාජපක්ෂට ගෙදර යන්න බලකරමින්. මේ අරගලයට පීඩාවට පත්ව සිටින සමස්ථ රට වැසියාම එක්වී දායකත්වය සපයමින් සිටී.
විදෙස් ගත ශ්‍රී ලාංකිකයින් ද මේ අරගලය ආරම්භයේ සිටම තමන්ගේ දායකත්වය සපයමින් ගෝඨාභය රාජපක්ෂ ගෙදර යවන්න මෙන්ම මහින්ද රාජපක්ෂට ගෙදර යන්න බලපෑම් කරන්න ක්‍රියාමාර්ග ගනිමින්, උද්ඝෝෂණ කරමින්, රට වෙනුවෙන් තමන්ගේ වගකීම ඉෂ්ට කරනු ලැබුවා.
ඊයේ ඉතාලියේ Brescia නගරයේදී ගෝඨාභය රාජපක්ෂටත් වර්තමාන අගමැති රනිල් වික්‍රමසිංහ ඇතුළු ආණ්ඩුවටත් එරෙහිව රට තුළ ගෙන යන අරගලයට සහාය පළ කිරීමේ උද්ඝෝෂණ ව්‍යාපාරයක් පවත්වනු ලැබුවා. පැය හයක් පමණ දීර්ඝ කාලයක් පැවති එම උද්ඝෝෂණයේ දී විවිධ සංස්කෘතිකාංග සමගින් විවිධ දේශපාලන පක්ෂ සංවිධාන සහ ආගමික නායකයින් ඊට දායකත්වය සපයමින් එම විරෝධතාවය ශක්තිමත් කළා.
ජාති ආගම් පක්ෂ භේදයකින් තොරව මේ විදෙස්ගත ශ්‍රීලාංකිකයන් එකතුව එකාවන්ව හඬනගා කියන්නේ රටේ බහුතර ජනතාවගේ හඬට කන් දී ගෝඨාභය රාජපක්ෂ ගෙදර පලයන් ජන වරමක් නැති නිල් වික්‍රමසිංහගේ ආණ්ඩුවත් අරගෙන කියන එකයි.
එම උද්ඝෝෂණය අතරතුර හදිසියේ අයිස් කැට වැහි කුණාටුවකින් බාධා සිද්ධ වුවත් එම අයහපත් කාලගුණික තත්ත්වය පහව ගිය පසු නැවතත් උද්ඝෝෂකයන් වර්ෂාවට හසුව තෙමි සිටියද උද්ඝෝෂණය සාර්ථක කර ගැනීම සඳහා දායකත්වය සැපයීම විශේෂත්වයක් වෙනවා.
ජනතාවගේ විරෝධතාවය
ආගමික නායකත්වය සහභාගිත්වය
සංස්කෘතික අංගයන්ගේ එකතුව
