පාර්ලිමේන්තු වටරවුම සමීපයේ දියත උයන අසල නිදහස් අධ්‍යාපනය උදෙසා සිසු ජන ව්‍යාපාරය විසින් සංවිධානය කර තිබූ උද්ඝෝෂණයට සහභාගි වූ පිරිස් නිරෝධායන නීතියට මුවා වී පොලිසිය විසින් අත්අඩංගුවට ගනු ලැබීය. එම අවස්ථාව ආවරණය කළ රූපවාහිනී මාධ්‍යවේදියකුගේ කැමරාවට ඉහළ පොලිස් නිලධාරිනියක විසින් පහර දුන් අතර මේ හේතුවෙන් මාධ්‍යවේදීන් හා පොලිසිය අතර උණුසුම් තත්වයක් ඇති විය. මාධ්‍යවේදීන්ගේ ප්‍රශ්න කිරීම හමුවේ පොලිස් නිලධාරිනිය දිව ගොස් පොලිස් බසයක නැගී පලා ගිය අතර සෙසු උසස් පොලිස් නිලධාරීන්ද පලා යන අයුරු දැකිය හැකි විය. මෙහි දැක්වෙන්නේ එම දර්ශනයි.
