ගෝඨාභය රාජපක්ෂ පාලනයේ වැඩිමහල් සොයුරු, වාරිමාර්ග ඇමති චමල් රාජපක්ෂ අද(21) ජාත්යන්තර වනාන්තර දිනය වෙනුවෙන් පැවති රාජ්ය උත්සවයෙදි කළ ප්රකාශයකට අනුව, සිංහරාජයේ වැව් දෙකක් හදන්න චීන සමාගමකට පවරා තිබෙන්නෙ මහින්ද රාජපක්ෂ ජනාධිපති කාලෙ(2005-2014). සිංහරාජ වනය තුළ නීති විරෝධී කටයුත්තක් කරන්න මුදල් පවා ගෙවා ඉවරයි කියලා ලංකාවෙ හිටපු කථානායකවරයෙක්, දැන් වාරිමාර්ග ඇමතිවරයා කිසිදු ලැජ්ජාවක් බයක් නැතිව ප්රකාශ කළා.
ඔහු කියනවා සිංහරාජ වනයේ අක්කර පහක් වෙනුවට වන වගාවට අක්කර 50ක් රබර් වවන්න පුලුවන්ලු. ඒ ක්රමයට අපට රබර් ආදායමක් ගන්නත් පුළුවන්ලු.
ඇමතිවරයා කියන විදියට සිංහරාජයේ අක්කර 5ක් වනය විනාශ කරලා වැවක් හදලා, ඒ විනාශය සමනය කරන්න අක්කර 50ක් රබර් වැව්වම හරි.
ඒ විතරක් නෙවෙයි, චමල් රාජපක්ෂට අනුව,වන වගාව හා රබර් වගාව සමානයිලු.
‘ස්වභාවික වනාන්තරයක්’ හා ‘වන වගාවක්’ අතර වෙනස පාසල් දරුවන් පවා දන්නවා.
‘සිංහරාජ වනය’ හුදු වනාන්තරයක් නොවන බවත් පාසල් දරුවන් පවා දැන් දන්නවා.
‘වන වගාවක්’ හා ‘රබර් වගාවක්’ යන දෙකේ සමානකමක් කියන්න පුළුවන් විද්වත්තු චමල් ඇමතිවරයාට හෝ ගෝඨාභය ජනාධිපතිවරයාට කුලියට ගන්න හැකි වේවි.
නමුත් පහේ පන්තිය සමත් එකෙකුට වුණත් ඒ දෙකේ වෙනස තේරුම් ගන්න පුළුවන්.
පාර්ලිමේන්තුවට ගිය ‘ඉඩම් හිමියෙකුගෙන්’ මීට වඩා දෙයක් බලාපොරොත්තු වෙන්න බෑ.
දැන් මේ වාරිමාර්ග ඇමතිවරයා කතා කරන භාෂාවට වෘෂභ භාෂාව කියන්න කෙනෙක් ඉදිරිපත් වුණොත් මම විරුද්ධයි. වෘෂභයටත් අවමන් කරන්න හොඳ නෑ.
වාරිමාර්ග ඇමති චමල් රාජපක්ෂ, එක්කො තමන් කළ ප්රකාශය ඉල්ලා අස් කරගෙන, ජනතාවගෙන් සමාව ගත යුතුයි.
නැත්නම් …..
මේ වගේ ඇමතිවරු ගැන ජනතාව තීරණයක් ගත යුතුයි!
