සෞඛ්ය අංශවල විරෝධය නොතකා ආණ්ඩුව විසින් ඇඳිරි නීති ලිහිල් කිරීමට එරෙහිව තරුණ තරුණියන් පිරිසකගේ මූලිකත්වයෙන් සමාජ මාධ්ය ජාලා හරහා විරෝධතාවයක් (viral campaign) ආරම්භ කර තිබේ. එම විරෝධතාවයේ ප්රධාන සටන් පාඨයක් වන්නේ කොරෝනා අවදානම පහව යනතුරු ඡන්ද නොපවත්වන ලෙසයි. ඔවුන් ඡායාරූපය සමඟ බෙදාගන්නා සටහනින් පවසා ඇත්තේ මෙලෙස ඇඳිරි නීතිය ඉවත් කිරීමට හේතුව ජනතාව අපහසුතාවයට පත්වීම නොව මැතිවරණයක් පවත්වා බලයට පැමිණීමට ඇති කෑදර කම නිසා බවයි. එසේම බලය වෙනුවෙන් ජනතාවගේ ජීවිත අනතුරේ හෙළීමට එරෙහිව එක්ව හඬ නගන ලෙස එම තරුණ තරුණියන් ජනතාවගෙන් ඉල්ලා සිටියි.
සමාජ මාධ්ය විරෝධතාවයේ සම්පූර්ණ සටහන පහත දැක්වේ
“මේ රටෙන් පලවෙනි කොරෝනා අසාධිතයා හොයා ගන්නේ මාර්තු 11.එතකොටත් ආණ්ඩුව විසුරවලා. හැබැයි ජනාධිපතිනිට ඕන නම් විසුරුවා හැරීමේ ගැසට් නිවේදනය අවලංගු කරලා පාර්ලිමේන්තුව කැඳවන්න තිබුනා. නමුත් නාම යෝජනා දිනෙත්(මාර්තු 19) පහු වෙලා තමයි ඇඳිරි නීතිය දැම්මේ. ඒකත් සමාජ මාධ්ය වලින් විරෝධයක් ආපු නිසා. රෝගීන් 28 ක් වාර්තා වුනාට රට වහන්න බෑ කියලා තමයි ජනාධිපති කිව්වේ.
දැන් අවදානම තවමත් තියනවා කියලා සෞඛ්ය අංශ කියද්දි ඇදිරි නීති ඉවත් කරනවා. ඒ ජනතාව අපහසුතාවට පත් වෙලා නිසා නෙවෙයි. ඡන්දේ තියලා බලට ගන්න ඕන නිසා. බලය වෙනුවෙන් අපේ ජීවිත අනතුරේ හෙලීමට එරෙහි වෙමු!!!එක්ව හඩ නඟමු!”
