මහර බන්ධනාගාරයේ අද ඇතිවූ සිද්ධියෙන් තුවාල ලැබූ බව කියන රැඳවියන් ගණන ඉහළ ගොස් තිබේ.
ඒ අනුව, මේ වන විට රැඳ්වියන් 7 දෙනෙකු තුවාල ලබා ඇති බව රාගම ශික්ෂණ රෝහල සඳහන් කරයි.
බන්ධනාගාර පරිශ්‍රය තුළ හදිසියේ මතුවූ මෙම නොසන්සුන් තත්ත්වයත් සමඟ බන්ධනාගාරයෙන් පිටත ආරක්ෂාව තර කිරීමට පොලිසිය සහ පොලිස් විශේෂ කාර්ය බලකායේ (STF) කණ්ඩායම් කිහිපයක් යෙදවීමට පියවර ගැනුනි.
මේ අතර, බන්ධනාගාරයේ ඇති වූ තත්ත්වය පාලනය කර සමථයකට පත් කිරීම සඳහා බන්ධනාගාර කොමසාරිස්වරයා හරහා අවශ්‍ය සම්බන්ධීකරණ කටයුතු මේ වන විටත් සිදු කරමින් පවතින බව අධිකරණ අමාත්‍ය හර්ෂණ නානායක්කාර සඳහන් කරයි.
