එළඹෙන ලෝක පරිසර දිනයට සමගාමීව අනුරාධපුර දිස්ත්‍රික්කයට අයත් වනාන්තර පහක් රක්ෂිත ලෙස නම් කරන්න පරිසර අමාත්‍යංශය කටයුතු කරන බව මැයි 25 වන දා ජනමාධ්‍ය අමාත්‍යංශයේ පැවතී මාධ්‍ය හමුවකදී පරිසර අමාත්‍ය වෛද්‍ය ධම්මික පටබැඳිගේ ප්‍රකාශ කර සිටියා.
ඒ අනුව රක්ෂිත ලෙස නම් කරන්නට රජය සූදානම් වන වනාන්තර පහ
- රිටිගල රක්ෂිතය
- අලියා වැටුණු වැව රක්ෂිතය
- බුලාගල රක්ෂිතය
- කෝන් කැටියාව රක්ෂිතය
- කල්ලංචිය රක්ෂිතය වේ.
මෙම වනාන්තර පහේ වපසරිය හෙක්ටයාර් 2169 ක් පමණ වෙනවා.
ඉහත රක්ෂිත වලට අමතරව කුඩා බුබුල දියුණු උල්පත රක්ෂිතයත් එදින ප්‍රකාශයට පත් කිරීමට සූදානම් වන බවපරිසර අමාත්‍ය ධම්මික පටබැඳිගේ පවසා සිටියා.මෙම රක්ෂිතය නම් කිරීම වෙනුවෙන් ජල සම්පත් මණ්ඩලය සහ මධ්‍යම පරිසර අධිකාරිය මැදිහත් වෙන බව වැඩිදුරටත් අදහස් දක්වමින් ඔහු පවසා සිටියා.
