ජාත්යන්තර මූල්ය අරමුදලේ (IMF) විස්තීරණ අරමුදල් පහසුකම (EFF) යටතේ ක්රියාත්මක වන ශ්රී ලංකාවේ ආර්ථික ප්රතිසංස්කරණ වැඩසටහනේ පස්වන සහ හයවන ඒකාබද්ධ සමාලෝචනය අවසන් කළ බවත්, ඒ අනුව ඉදිරි කටයුතු සදහා ශ්රී ලංකා බලධාරීන් සහ IMF නිලධාරීන් අතර එකඟතාවයකට පැමිණ ඇති බව එම අරමුදල නිවේදනය කළේය.
ඒ අනුව ශ්රී ලංකාවට ගිය වසරේ අග ලැබීමට නියමිතව තිබුණු වාරිකය සහ මෙවර වාරිකය යන දෙකම ඒකාබද්ධව ලබාගැනීමට මූලික එකගතාව ඇත. එහෙත් එය ලැබෙනු ඇත්තේ ජාත්යන්තර මූල්ය අරමුදෙල් විධායක මණ්ඩලය එය අනුමත කිරීමෙන් පසුය.
IMF සිය නිවේදනය මගින් පැහැදිලිවම පවසා ඇත්තේ විධායක මණ්ඩල අනුමැතිය ලැබීම “ඉන්ධන සහ විදුලිය සඳහා පිරිවැය ආවරණය වන පරිදි මිල නියම කිරීම” (Cost-recovery pricing) මත රඳා පවතින බවයි.
නමුත් ආණ්ඩුව දැනට තෙල් සඳහා සහන පැකේජයක් දීමට යෝජනා කර තිබේ. එය ජාත්යන්තර මූල්ය අරමුදලේ කොන්දේසි සමඟ ගැටීමක් ඇති කරවයි.
ජාත්යන්තර මූල්ය අරමුදල පෙන්වා දෙන පරිදි, ශ්රී ලංකාවේ ආර්ථිකය වර්තමානයේ බරපතල බාහිර හා අභ්යන්තර අවදානම් රැසකට මුහුණ දෙමින් සිටී. විශේෂයෙන්ම මැදපෙරදිග කලාපයේ පවතින ගැටුම්කාරී තත්ත්වය හේතුවෙන් බලශක්ති මිල ඉහළ යාම සහ සංචාරක ක්ෂේත්රයේ ප්රධාන ගුවන් ගමන් මධ්යස්ථානවලට බාධා පැමිණීම මෙරට ආර්ථික ස්ථාවරත්වයට සෘජු තර්ජනයක් වී ඇත. මීට අමතරව, ‘ඩිට්වා’ (Ditwah) සුළි කුණාටුව නිසා ඇති වූ යටිතල පහසුකම් හානිය සහ ඒ වෙනුවෙන් දැරීමට සිදුවන අමතර වැයපස ආර්ථික ප්රකෘතිමත් වීමේ වේගය අඩාල කළ හැකි බවත්, මෙවැනි අනපේක්ෂිත කම්පන හමුවේ ආර්ථික ඔරොත්තු දීමේ හැකියාව වහා ශක්තිමත් කළ යුතු බවත් එම නිවේදනය අවධාරණය කරයි.
එමෙන්ම, ශ්රම වෙළඳපොළ පවතින දැඩි නීති ලිහිල් කරමින් කම්කරු නීති නවීකරණය කිරීමට මෙහිදීද එකග වී තිබීම විශේෂයෙන් පෙන්වාදිය යුතුය.
රාජ්ය වියදම් සීමා කිරීමටත් ගන්නා උත්සාහයන් වැඩකරන ජනතාවගේ රැකියා සුරක්ෂිතතාවය සහ වරප්රසාද කෙරෙහි බලපෑම් එල්ල කළ හැකිය. මෙම ප්රතිසංස්කරණ හමුවේ අසමාන ලෙස පීඩාවට පත්වන දුප්පත් සහ අවදානමට ලක්විය හැකි ජනතාව ආරක්ෂා කිරීම සඳහා රජයේ සමාජ ආරක්ෂණ ජාලයන් වඩාත් කාර්යක්ෂම හා විනිවිදභාවයෙන් යුතුව ක්රියාත්මක කිරීමේ හදිසි අවශ්යතාවයක් පවතින බව IMF නිවේදනයේ සඳහන් වේ.
බොහෝ පිරිසක් පවසා සිටියේ පවතින යුධමය තත්ත්වය හමුවේ ලෝකයම මුහුණ දෙමින් සිටින තත්වය සැලකිල්ලට ගනිමින් IMF කොන්දේසි සහ ණය කොන්දේසි වෙනස් කිරීම කෙරෙහි ආණ්ඩුව උනන්දු විය යුතු බවයි. නමුත් ඒ වෙනුවට ණය වාරික දෙකක් එකවර ලබාගැනීමට පමණක් ආණ්ඩුව එකඟ වී තිබේ.
