ශ්‍රී ලංකාවට තෙල් සහ අනෙකුත් අවශ්‍ය භාණ්ඩ ලබා දීමට ඉරානය ඉදිරිපත් වීම අගය කරන අතරම, කැබිනට් ප්‍රකාශක අමාත්‍ය නලින්ද ජයතිස්ස පවසා ඇත්තේ යාත්‍රා හිමි රටවලට එවැනි අවස්ථාවන්ගෙන් ප්‍රයෝජන ගත හැකි බවත් ශ්‍රී ලංකාවට එවැනි හැකියාවක් නොමැති බවත්ය.
ඉල්ලීමක් කළහොත් ඉරානය තෙල් සහ අනෙකුත් අවශ්‍ය භාණ්ඩ ලබා දීමට සූදානම් බවට ඉරාන තානාපතිවරයා කළ ප්‍රකාශය පිළිබඳ ප්‍රශ්නයකට පිළිතුරු දෙමින් අමාත්‍යවරයා පැවසුවේ, “යාත්‍රා ඇති රටවලට එවැනි පහසුකමකින් ප්‍රයෝජන ගත හැකියි. අපට යාත්‍රා නොමැති අතර ඉරානයෙන් ඉන්ධන ආනයනය කිරීමට එවැනි හැකියාවක් ද නොමැත. තානාපතිවරයාගේ යෝජනාව අපි අගය කරනවා,” ඔහු පැවසීය.
ශ්‍රී ලංකාවේ ඉරාන තානාපති ආචාර්ය අලිරේසා ඩෙල්කොෂ්, ඉල්ලීමක් කළහොත් තෙල් ඇතුළු අත්‍යවශ්‍ය සැපයුම් ලබා දීමට ටෙහෙරානය සූදානම් බව පවසමින්, “මිත්‍ර රටක්” ලෙස ශ්‍රී ලංකාවට සහාය දැක්වීමට ඉරානය දක්වන කැපවීම නැවත තහවුරු කරන ලදී.
ඉරානය විසින් එරටින් ඍජුව තෙල් මිලදී ගතහැකි බව පවසන්නේ අදක ඊයේ සිට නොවේ. මාස ගණනාවකට පෙර සිටයි. එපමණක් නොව ලංකාවේ පිරිපහදු ප්‍රමාණවත් නොවන නිසා ඒවා අලුත්වැඩියා කිරීම සඳහා පහසුකම් සැපයීමටද ඉරාන ආණ්ඩුව සූදානම්ව සිටින ලදී. නමුත් ලංකාවේ ආණ්ඩුව ඒ ගැන කිසිදු අවධානයක් ලබාදී නොතිබුණි.
