සුනිල් හඳුන්නෙත්ති ඇමතිවරයා උතුරේ මන්ත්‍රීවරුන්ට චෙම්මනි ගැන නොව උතුරේ කර්මාන්ත ගැනත් කතා කරන ලෙසත් ලංකාවේ සියලු ජනතාව ගැන සහ ‘ඊලාම්’ ගැන නොව ‘එල්ලාම්’ ගැන කතා කරන ලෙසත් උපදෙස් දෙන වීඩියෝවක් මේ දිනවල සමාජ මාධ්‍ය හරහා ප්‍රචාරය වෙමින් පවතියි.
ඒ සමඟම සමාජ මාධ්‍ය හරහා ප්‍රචාරය වී ඇත්තේ චෙම්මනි සමූහ මිනී වලෙන් සොයාගෙන තිබෙන අත දරුවෙකුගේ ඇට සැකිල්ලකි.
මෙය අලුත් කතාවක් නොවේ. යුද්ධයේදී සිය ගණනක් දෙමළ ජනතාව අතුරුදහන් වූ බව ද රහසක් නොවේ. චෙම්මනි හි භීෂණය දශක ගණනාවක් තිස්සේ අතහැර දමන ලද තුවාලයක් විය. 90 දශකයේදී මෙම ඝාතන සම්බන්ධයෙන් හමුදා සොල්දාදුවෙකු පාපොච්චාරණය කළ නමුත් එය නොතකා හරින ලදී . යුක්තිය ප්‍රතික්ෂේප කරන ලදී. සත්‍යය වළලනු ලැබීය.
දැන් නැවත එම වළලනු ලබන සත්‍ය මතුවෙමින් තිබේ. චෙම්මනි ගැන සාක්ෂි දීමට ක්‍රිෂාන්ති කුමාරස්වාමි ඝාතනයේ චූදිතයන් කැමැත්ත පළකර තිබේ.
නමුත් ආණ්ඩුව නියෝජනය කරන ඇමතිවරුන්ට චෙම්මනි යනු විහිළුවකි. එතරම් ගණන් ගතයුතු දෙයක් නොවේ.
මේ මතවාදය සමඟ ඉදිරියට යනතුරු උතුරේ සාමාන්‍ය ජනතාවද කර්මාන්ත ගැන හෝ ‘එල්ලාම්’ ගැන කතා නොකරනු ඇති බව හඳුන්නෙත්තිලාට නොතේරේ.
