පාර්ලිමේන්තු මන්ත්‍රීවරුන්ගේ ආහාර වේල සඳහා දෛනිකව අය කළ මුදල රුපියල් 400 සිට 2000 දක්වා වැඩි කිරීමට ගෘහ කාරක සභාවේ දී තීරණය කළ බව එහි කාරක සභාවේ සාමාජිකයෙකු වන ගමගෙදර දිසානායක ප්‍රකාශ කර තිබුණා.
ඒ අනුව උදෑසන ආහාර වේල රුපියල් 600 කටත් දහවල් ආහාර වෙන 1200කටත් සවස තේ සඳහා රුපියල් 200කුත් අය කිරීමට යෝජනා වෙනවා.
මේ සම්බන්ධයෙන් වැඩිදුරටත් අදහස් දැක්වූ දිශානායක මහතා ප්‍රකාශ කර සිටියේ මේ ආහාර වේල් වල මිල ඉහළ දැමීම සාධාරණ බවයි.
කාලයක් තිස්සේ පාර්ලිමේන්තු නියෝජිතයන් සඳහා ලබාදෙන ආහාර වේල පිළිබඳව රටේ මහජනතාව තුළ නොසතුටක් පැවති අතර පාර්ලිමේන්තු ආහාර වෙල සඳහා අය කරගන්නා මිල දැඩි විවේචනයකට ලක්වී තිබුණා.
එළඹෙන පාර්ලිමේන්තු සැසිවාරයේ සිට ඉහළ දැමූ මිල ගණන්වලට අනුව පාර්ලිමේන්තුවේ කෑම වේල ලබාදීම කටයුතු සිදු වෙමින් පවතී.
