ඖෂධ සමාගමක හිටපු ඒජන්තවරයෙකු වන රමේෂ් පතිරණ වර්තමාන සෞඛ්‍ය ඇමති බවට පත්වී මනුෂ්‍ය ජීවිත බිල්ලට තියමින් සියලු දෙනාගේම අවධානය මැතිවරණයට යොමු වී තිබෙන මොහොතක ඖෂධ මගඩියක් සඳහා කැබිනට් අනුමැතිය ලබා ගත් ආකාරය අගෝස්තු 28 වනදා මාධ්‍ය හමුවේදී පෙරටුගාමී සමාජවාදී පක්ෂය අධ්‍යාපන ලේකම් පුබුදු ජයගොඩ හෙළිදරව් කරනු ලැබුවා.
මෙම කැබිනට් අනුමැතිය හරහා සිදුවීමට නියමිතව තිබෙන්නේ ඉන්දියානු රජය නිර්දේශ කරන සමාගමක් යටතේ ලංකාවට ඖෂධ ලබා ගැනීමේ සැලසුමක්. මෙම මාධ්‍ය හමුවේදී හෙළිදරවූ කරුණු වලට අනුව මෙසේ අනුමැතිය ලබාදීමට යන සමාගම ලෝකය හඳුනන්නැති ඖෂධ පිළිබඳ කිසිදු දැනුමක් සහ අත්දැකීමක් නොමැති සමාගමකි. එම සමාගම පිළිබඳව හෙළි හෙළිදරව් කරගෙන ඇති කරුණුවලට අනුව පැහැදිලි වන්නේ ඔවුන් උපත් පාලන කොපු සහ කාන්තා සනීපාරක්ෂක ද්‍රව්‍ය නිෂ්පාදනය කරන සමාගමක් බවයි.
