එක්සත් ජාතික පක්ෂයේ රනිල් හිතවාදීන් පුන පුනා ප්‍රකාශ කරන්නේ ඉදිරි ජනාධිපතිවරණය සඳහා රනිල් ඉදිරිපත් විය යුතු බවයි . එක්සත් ජාතික පක්ෂයේ අපේක්ෂකයා ලෙස රනිල් වික්‍රමසිංහ ජනාධිපතිවරණයට ඉදිරිපත් වූවොත් ඇපත් නැති වෙන බව දන්නා ඔවුන් කෙසේ හෝ ශ්‍රී ලංකා පොදුජන පෙරමුණේ සහයද ඇතිව රනිල් වික්‍රමසිංහව ජනාධිපතිවරණයට ඉදිරිපත් කිරීමට සාකච්ඡා පැවැත් වුවද තවමත් ඔවුන්ගෙන් නිසි පිළිතුරක් ලැබී නොමැත . වික්‍රමසිංහ උත්සාහ දරමින් සිටින්නේ කෙසේ හෝ තවදුරටත් ජනාධිපති පුටුවේ රැඳී සිටීමට සුදුසු වාතාවරණයක් නිර්මාණය කර ගැනීම සඳහායි .
කෙසේ වෙතත් දැනගන්නට තිබෙන ආරංචි මාර්ග තහවුරු කරන්නේ රනිල් වික්‍රමසිංහ බොහෝ දුරට ඉදිරි ජනාධිපතිවරණයේ අපේක්ෂකයකු ලෙස හංසයා ලකුණින් තරග කිරීමට අවශ්‍ය කරන සාකච්ඡා පවත්වමින් සිටින බවයි. සරත් ෆොන්සේකා සහ රනිල් වික්‍රමසිංහ අතර හදිසි හිතවත්කමක් නිර්මාණය වෙන්නෙ නිල්ට අවශ්‍ය වූ මොහොතක හංසයා ලබා ගැනීමේ උවමනාව ඇතිවයි.
