ජනාධිපතිවරණයට දින ප්‍රකාශ කිරීම මැතිවරණ කොමිසම විසින් ප්‍රමාද කරමින් තිබීම ප්‍රශ්නකාරී බව ජන අරගල සන්ධානය වෙනුවෙන් වසන්ත මුදලිගේ පවසනවා.
මැතිවරණ දිනය ප්‍රකාශ කිරීම සඳහා සුබ වේලාවක් බැලීම,අධිකරණ නියෝග පැමිණේද යන්න බල සිටීම යන කාරණා අදාළ නොවන අතර මේ මොහොතේ ඒ සම්බන්දයෙන් කිසිවෙකු හෝ අධිකරණයට ගොස් නැති බව මුදලිගේ සඳහන් කරනවා.
”මැතිවරණ කොමිසමට බලය ඇවිල්ලා පැය 48ක්. මැතිවරණ කොමිසම කියනවා රාහු කාලය බලල දින කියන්නම් කියල. අපි මැතිවරණ කොමිසමටත් කියනවා පනින රිලවුන්ට ඉනිමං බදින්න එපා කියල. අපිට මැතිවරණ කොමිසමෙන් අහන්න තියෙන්නේ ඇයි කල්දාන්නෙ. ඇයි දවස 15ක් ගන්නේ. රනිල් වික්‍රමසිංහ මේකට කල්දගන්න නම් බලන්නේ එකට එයා ගේම් ගහන්න බලනවා නම් මැතිවරණ කොමිසමට කියන්න බැහැ අපි හොඳ වෙලාවක් බලල කියන්නම් සුභ නැකත බලලා කියන්නම්, ඊට පස්සේ අධිකරණයෙන් නියෝග එයිද කියල බලල කියන්නම්.අපි කියනවා රනිල් වික්‍රමසිංහ ජනතාවගේ මැතිවරණ අයිතිය අහෝසි කරනවා නම් අපි ඒකටත් විරුද්ධයි.ඒ වගේම මැතිවරණ කොමිසම හිතාමතාම හෝ නොදනුවත්ව ඒකට අදාළව දවසක් හරි කල්දාලා මැදිහත්වීමක් කරනවා නම් අපි ඒකටත් විරුද්ධයි.”
