පසුගිය වසරේදී (2023) විදේශ ණය ලෙස ආපසු ගෙවන ලද සඳහන් රුපියල් මිලියන 337,296ක මුදල සම්බන්ධයෙන් තොරතුරු සටහනක් හෙළිදරව් කර නොමැති බව අනාවරණය වී තිබේ.
මෙම මුදල රුපියල් කෝටිවලින් නම් 33,729කට අධික මුදලකි. එතරම් විශාල ධනයක් සම්බන්ධයෙන් සටහන් නොතැබීමට තරම් මුදල් අමාත්‍යංශයේ කටයුතු වගකීම් විරහිතව සිදු වන්නේ දැයි බරපතළ ප්‍රශ්නයක් මතුවී තිබේ.
මුදල් අමාත්‍යංශයේ වාර්ෂික වාර්තාවට විගණකාධිපතිවරයා එක් කර තිබෙන විගණන වාර්තාවෙන් මෙම තොරතුරු අනාවරණය කර ඇත. එහි වැඩි දුරටත් දැක්වෙන්නේ “සටහන් අංක 14 මගින් දේශීය ණය ආපසු ගෙවීම්වලට අදාළ තොරතුරු හෙළිදරව් කර තිබුණ ද, 2023 වර්ෂය තුළදී විදේශ ණය ආපසු ගෙවීම් වටිනාකම වූ රුපියල් මිලියන 337,296කට අදාළව එවැනි සටහනක් ඉදිරිපත් කර නොතිබුණි.“ යනුවෙන් ය.
