තමන් කිසිවිටෙකත් ප්‍රකෝටිපති ව්‍යාපාරිකයකු වන එලොන් මස්ක් ආර්ථික ඝාතකයකු ලෙස හැඳින්වීමට අදහස් නොකළ බව පවසමින් ජාතික ජන බලවේගයේ ආර්ථික කවුන්සිලයේ සාමාජික සුනිල් හදුන්නෙත්ති ඊයේ කියාසිටියේ එලොන් මස්ක් වෙත සිය කණගාටුව ප්‍රකාශ කරන බවයි.
ව්‍යාපාරික සංසදයක් අමතමින් හදුන්නෙත්ති කියාසිටියේ ආර්ථික හිංසනයන් ගැන තමාගේ සඳහන පසුගිය රනිල් වික්‍රමසිංහ පාලනය සමයේ මෙරටට ගෙන ආ ජේම්ස් පැකර් සහ ජෝර්ජ් සෝරෝස් ගැන බවයි.
“මම එලොන් මස්ක් ගැන කියපු දේ වැරදියට උපුටා ගත්තා. එලොන් මස්ක් ආර්ථික ඝාතකයෙක් කියන්න මම අදහස් කළේ නැහැ. මම පැහැදිලි කළේ ලංකාවේ පවතින අස්ථාවරත්වය, ආර්ථිකයේ දේශපාලන මැදිහත්වීම් නිසා ලෝක ප්‍රකට ආයෝජකයන් කවදාවත් ලංකාවට එන්නේ නැති බවයි. විනය සහ අවනීතිය පිළිබඳ මගේ සඳහන වුණේ එලොන් මස්ක්ට නෙවෙයි. මම ආර්ථික ඝාතකයන් ලෙස අදහස් කලේ ජේම්ස් පැකර් සහ ජෝර්ජ් සෝරෝස්ව. අපි ඔවුන්ව අවංක ව්‍යවසායකයන් ලෙස හඳුන්වන්නේ නැහැ. මම එලොන් මස්ක්ට මගේ කණගාටුව ප්‍රකාශ කරනවා. මම කවදාවත් ඔහුව ආර්ථික ඝාතකයෙක් ලෙස හඳුන්වන්න හිතුවේ නැහැ” හදුන්නෙත්ති පැවසීය.
