යුක්තිය මෙහෙයුමේදී අත්අඩංගුවට ගත් පුද්ගලයන් අතරින් 20 දෙනෙකු පොලිස් අත්අඩංගුවේදී මියගොස් ඇති බව විපක්ෂයේ ප්රධාන සංවිධායක සමගි ජන බලවේගයේ මහනුවර දිස්ත්රික් මන්ත්රී ලක්ෂ්මන් කිරිඇල්ල පාර්ලිමේන්තුවේදී ප්රකාශ කර තිබිණි.
“යුක්තිය නමින් පොලිසියේ මෙහෙයුමක් ක්රියාත්මක වෙනවා. මෙම මෙහෙයුමේදී පොලිසියට භාර වූ 20 දෙනෙකු පොලිස් අත්අඩංගුවේ දී මියගොස් ඇති බව සඳහන්. මේ රටේ නීතිය ක්රියාත්මක වෙන්නේ මෙහෙමද,” කිරිඇල්ල ප්රශ්න කළේ අධිකරණ ඇමැති ආචාර්ය විජයදාස රාජපක්ෂගෙන් ප්රතිචාර දක්වන ලෙස ඉල්ලා සිටිමිනි.
තමා අධිකරණ ඇමැතිවරයා පමණක් බවත් නීතිය ක්රියාත්මක කිරීමට ආයතන තිබෙන බවත් ඇමැති රාජපක්ෂ එහිදී පැවසීය.
“මම හිතන්නේ නීතිය ක්රියාත්මක කිරීම මගේ විෂය පථයට අයත් විෂයක් නොවන බව කවුරුත් දන්නවා. ගුවන් තොටුපළේදී සුළු සේවකයකුට පහරදීම සම්බන්ධයෙන් මතුවන සිද්ධිය සම්බන්ධයෙන් අගතියට පත් පාර්ශ්වයන්ට පොලිසියට යා හැකි අතර පසුව පොලිසිය පැමිණිල්ල විමර්ශනය කරයි,” යනුවෙන් ඇමැතිවරයා පැවසීය.
