කඩවත – මීරිගම අතර මධ්‍යම අධිවේගී මාර්ගයේ කොන්ක්‍රීට් බාල්කයක් කඩා වැටීම සම්බන්ධයෙන් විමර්ශනය සඳහා විශේෂඥ කමිටුවක් පත් කිරීමට යෝජනාවී තිබෙන බව මාර්ග සංවර්ධන අධිකාරිය පවසනවා.
එම අධිකාරිය පැවසුවේ විශේෂඥයින් තුන් දෙනෙකුගෙන් සමන්විත කමිටුවක් පත්කිරීමට යෝජනාවී ඇති බවයි.
මාර්ග සංවර්ධන අධිකාරිය සඳහන් කළේ ඒ සම්බන්ධයෙන් සිදුකල විමර්ශනයේ මූලික වාර්තාව මේ වන විට ලැබී ඇති බවයි.
පසුගිය 4 වැනිදා පස්වරු 5.45 ට පමණ මෙම කොන්ට්‍රීට් බාල්කය කඩා වැටී තිබුණේ, මධ්‍යම අධිවේගී මාර්ගයේ කඩවත සිට මීරිගම දක්වා කොටසේ බෙම්මුල්ල, කදඔළුවාව ප්‍රදේශයේදී.
කඩා වැටුණු කොන්ට්‍රීට් බාල්කය මීටර් 35 ක පමණ දිගකින් යුක්තයි.
මාර්ගයේ තවත් බාල්ක දෙකක් අවදානම් තත්ත්වයේ පවතින බව මාර්ග සංවර්ධන අධිකාරිය සඳහන් කළා.
