ටින් එකක් අරන් පාරට බහිමුද?

2024 ජනවාරි මස 01 වන දා හෝ ඊට පසු වයස අවුරුදු 18 සම්පූර්ණ කරන සියලු ශ්‍රී ලාංකිකයින් දේශීය ආදායම් දෙපාර්තමේන්තුවේ ලියාපදිංචි වී ‘බදු ගෙවන්නන්ගේ අනන්‍යතා අංකයක්’ (Taxpayer Indentification Number – TIN) ලබා ගත යුතු බවට ගැසට් නිවේදනයකින් දැනුම් දී තිබීම සම්බන්ධයෙන් විශාල කතා බහක් ඇතිව තිබේ.

ඇතැම් පිරිස් පවසන්නේ ආණ්ඩුව මේ හරහා තවත් බද්දක් ගැසීමට උත්සාහ කරමින් සිටින බවයි. තවත් පිරිසක් මෙම අංකය ලබාගැනීම ගැන උපහාසාත්මකව කතා කරනු දැකිය හැකිවිය.

එසේම ආණ්ඩුව මෙම අංක ලබාගෙන ඇති සංඛ්‍යාව දිනෙන් දින නිවේදනය කරමින් සිටියි.

නොගන්නා තැනැත්තන් පසුව දේශීය ආදායම් දෙපාර්තමේන්තුව විසින් ලියාපදිංචි කරවීමට කටයුතු කරන බවත්, එහිදී ඔවුන්ට රු. 50,000 නොඉක්මවන දඩයකට යටත් වීමට සිදුවනු ඇති බවත් දේශීය ආදායම් දෙපාර්තමේන්තුව මීට පෙර නිවේදනය කර තිබුණි.

මේ අතර මාධ්‍ය වෙත අදහස් දක්වමින් රංජිත් සියඹලාපිටිය පවසා තිබුනේ බදු අංකය ලබාගැනීම අනිවාර්ය වුවත් නොගන්නන් සඳහා දඩ මුදලක් අයකිරීම මේ මොහොතේ ක්‍රියාත්මක නොවන බවයි.

කෙසේවෙතත් රථවාහන ලියාපදිංචි කිරීමේදී සහ වාහනයක් පැවරීමේදී ආදායම් බදු අංකය අත්‍යවශ්‍ය බව ආණ්ඩුව පවසයි.

ආණ්ඩුව වැට් බදු වැඩිකිරීමත් සමඟ සාමාන්‍ය ජනතාවට විශාල පීඩනයක් එල්ල වෙමින් තිබේ. මේ අනුව ආණ්ඩුව ගන්නා ක්‍රියාමර්ග විවේචන කරන ඒ දෙස සැක මුසුවෙන් බලන සහ විරෝධය පළකරන ස්වභාවයක් නැවතත් ජනතාව තුළ මතුවෙමින් තිබේ. මෑත දින කිහිපයේ ජනතාව පවසමින් සිටින්නේ ඉදිරියේදී TIN අංක කෙසේවෙතත් Tin එකක් අරගෙන පාරට බහින්න සිදුවෙනු ඇති බවයි.

Share post:

Popular

වෙනත් පුවත්

පනත් සම්මත වෙන්නටත් ප්‍රථම පොලිස් රාජ්‍යයක සෙවණැලි

වර්තමාන රජය විසින් හඳුන්වා දීමට යන ත්‍රස්තවාදයෙන් රාජ්‍ය ආරක්ෂා...

ජෛවමිතික දත්ත හැඳුනුම්පතට එරෙහිව අභියාචනාධිකරණයට පෙත්සමක්

මෙරට ජනතාවගේ ජෛවමිතික දත්ත ඉන්දීය ආයතනයකට ලබාදී ඩිජිටල් හැඳුනුම්පත්...

සටන් කරන බලවේග මර්දන පනත්වලට එරෙහිව එක්වෙද්දී OCA ගැන ශ්‍රේෂ්ඨාධිකරණ තීරණය කතානායකට

සංවිධානාත්මක අපරාධ වැළැක්වීමේ පනත් කෙටුම්පත සම්බන්ධයෙන් ශ්‍රේෂ්ඨාධිකරණය ලබාදුන් තීරණය...