වී අලෙවි මණ්ඩලයේ ගබඩා වල තිබූ රුපියල් කෝටි දහයක් වටිනා වී තොගයක් අතුරුදහන් වී ඇති බව කෘෂිකර්ම හා වැවිලි කර්මාන්ත අමාත්ය මහින්ද අමරවීර පවසනවා.මෙසේ අතුරුදහන් වී ඇත්තේ කුරුණෑගල ඇතුළු ගබඩා කීපයක තිබුණු වී .
වී අලෙවි මණ්ඩලයේ ප්රධාන කාර්යාලයේ මෙන්ම ඇතැම් ප්රාදේශීය නිලධාරීන් ද මෙම සොරකමට සම්බන්ධ බවට තොරතුරු ඇති බව මහින්ද අමරවීර වැඩිදුරටත් ප්රකාශ කර සිටියා.කඩිනමින් පියවර ගෙන දින තුනක් ඇතුළත මේ වී වලට කුමක් සිදු වූයේද යන්න සොයා බලා වාර්තාවක් ඉදිරිපත් කරන ලෙස ඔහු නිලධාරීන්ට උපදෙස් ලබාදී තිබේ.
