මාස 7ක් අතීතයට බලපාන ලෙස මන්ත්‍රීවරු වැටුප් වැඩි කර ගැනීමේ උත්සාහයක් – පුබුදු ජයගොඩ

අතීතයටද බලපාන ලෙස පාර්ලිමේන්තුවේ මැති ඇමතිවරුන් සිය වැටුප් වැඩි කර ගැනීමේ උත්සාහයක් පවතින බව විශ්වාසකටයුතු ආරංචි මාර්ගයකින් අනාවරණය වූ බව පුබුදු ජයගොඩ සහෝදරයා පැවසුවේය. ජනතාව එදා වේල කන්න නොහැකිව සිටියදී මැති ඇමැතිවරුන් මේ ආකාරයට වැටුප් වැඩි කර ගැනීමට දරන උත්සාහයට කිසිසේත් ඉඩ නොදිය යුතු යැයිද ඔහු අවධාරණය කළේය.
මෙම වැටුප් වැඩි කර ගැනීම මාස හතක් අතීතයට බලපාන ලෙස සිදු කර ගැනීමටත් ඒ අනුව මාස හතක හිඟ වැටුප් ලෙස අති විශාල මුදලක් එකවර ලබා ගැනීමටත් සැලසුම් කෙරෙන බව ඔහු අනාවරණය කළේය.