තඹුත්තේගම රෝහලේ වකුගඩු ඒකකයේ සේවය කළ වෛද්‍යවරයාගේ මරණය අභිරහසක්

තඹුත්තේගම රෝහලේ වකුගඩු ඒකකයේ සේවය කළ වෛද්‍ය කොට්ටපිටියගේ අමිල සදකැලුම් දිසානයක මහතාගේ මරණය අභිරහසක් බව රෝහල් ආරංචි මාර්ග පවසයි. නීති විරෝධී වකුගඩු ජාවාරම් පිලිබඳ තදබල විවේචකයෙකු වූ වෛද්‍ය අමිල සදකැලුම් දිසානයක, ශ්‍රී ලංකා වෛද්‍ය සභාව මගින් මේ වන විට පවත්වාගෙන යන නීති විරෝධී වකුගඩු ජාවාරමට එරෙහි පරීක්‍ෂණයේදී මෙම නීති විරෝධී ජාවාරමේදී සම්බන්ධීකරණ ක්‍රියාවලියක් සිදු කොට තිබෙන මාතර දිස්ත්‍රික් රෝහලේ වෛද්‍ය රංග මිගාර වීරක්කොඩි සහ වෛද්‍ය මොනික් අඹේපිටියට විරුද්ධව සාක්‍ෂි දීමටද සූදානමෙන් සිටි අයෙකි. වෛද්‍ය රංග මිගාර වීරක්කොඩිට සහ වෛද්‍ය මොනික් අඹේපිටියට මෙන්ම බොරැල්ලේ වෙස්ටර්න් රෝහලට විරුද්ධව ශ්‍රී ලංකා වෛද්‍ය සභාවේ කාරක සභිකයන් වන වෛද්‍ය ජයන්ත ජයවර්ධන සහ වෛද්‍ය එස් ෂන්මුගම් යන මහතුන් ගේ ප්‍රධානත්වයෙන් විභාග වන මෙම පරීක්‍ෂණයේදී වෛද්‍ය අමිල සදකැලුම් දිසානයක මහතාගේ සාක්‍ෂි අතිශයින්ම වැදගත්කමක් දරන්නට තිබූ බව වකුගඩු ජාවාරම් විරෝධී වෛද්‍යවරු කණ්ඩායමක් පෙන්වා දෙති. මේ නිසා වෛද්‍ය අමිල සදකැලුම් දිසානයක ගේ මරණය සැක සහිත බව මෙම වෛද්‍යවරු පවසති. නාරම්මල ප්‍රදේශයේ පදිංචි වෛද්‍යවරයෙකු වූ සදකැලුම් දිසානයක මහතා දින තුනක පමණ කාලයක් සේවයට නොපැමිනිමේ හේතුවෙන් රෝහල් සේවකයකු වෛද්‍යවරයාගේ නිවසට පැමිණ සෝදිසි කිරිමේදි වෛද්‍යවරයා නිල නිවාසේ පිහිටි කාමරයේ මිය ගොස් සිටි බව පොලිසිය කියයි.

Share post:

Popular

වෙනත් පුවත්

ජෛවමිතික දත්ත හැඳුනුම්පතට එරෙහිව අභියාචනාධිකරණයට පෙත්සමක්

මෙරට ජනතාවගේ ජෛවමිතික දත්ත ඉන්දීය ආයතනයකට ලබාදී ඩිජිටල් හැඳුනුම්පත්...

සටන් කරන බලවේග මර්දන පනත්වලට එරෙහිව එක්වෙද්දී OCA ගැන ශ්‍රේෂ්ඨාධිකරණ තීරණය කතානායකට

සංවිධානාත්මක අපරාධ වැළැක්වීමේ පනත් කෙටුම්පත සම්බන්ධයෙන් ශ්‍රේෂ්ඨාධිකරණය ලබාදුන් තීරණය...

උද්ධමනය පාලනය වෙනුවට අනාවැකි කියන මහ බැංකුව

ලබන මාසය වනවිට මෙරට උද්ධමන අනුපාතය සියයට 9ක් හෝ...