ගෝල්ෆේස් අරගලකරුවන් සහ දේශපාලන ක්‍රියාකාරීන් ඇතුළු පිරිසකට කොළඹ නගරයේ මාර්ගවලට ඇතුළුවීම වළක්වාලමින් කොළඹ කොටුව මහේස්ත්‍රාත් අධිකරණය විසින් නියෝගයක් නිකුත් කර තිබෙනවා.
එම නියෝගයේ අදක්වෙන පරිදි එම මාර්ගවලට ඇතුළුවී අදාළ පුද්ගලයන් විසින් සිදුකරන ක්‍රියාවක් හේතුවෙන් මහජන පීඩාවක් ඇතිවෙන හේතුවෙන් මෙම නියෝගය නිකුත් කර ඇත.
බැලූ බැල්මට පෙනෙන්නේ ආණ්ඩුව විසින් පවත්වන ජාතික නිදහස් සැමරුම් උත්සවයට විරෝධය පළ කරමින් හෙට (04) කොළඹ දී පැවැත්වීමට නියමිත විරෝධතාවලට අදාළව මෙම අධිකරණ නියෝගයක් නිකුත් කර ඇති බවයි.
මේ අනුව 75 වන ජාතික නිදහස් සැමරුමට බාධා වන අයුරින් හෙට (04) දිනයේ කිසිඳු විරෝධතාවක් නොපැවැත්විය යුතු අතර එවැන්නක් සඳහා ගාලු මුවදොර සහ ඒ අවට ප්‍රදේශයට ඇතුළුවීම වළක්වාලමින් මෙය නිකුත් කර ඇත.
