ලබන වසරේ ජනවාරි සහ ජුනි මාසවල පියවර 2කින් විදුලි ගාස්තු වැඩි කිරීමට කැබිනට් අනුමැතිය හිමිව තිබෙනවා.
යෝජිත ඉහළ නැංවීම සම්බන්ධයෙන් විදුලිබල මණ්ඩල නියෝජිතයින් පසුගියදා (29) ආර්ථික ස්ථායිකරණයට අදාළ කෙටි හා මධ්යකාලින වැඩසටහන් හඳුනා ගැනීමේ ජාතික සභා අනු කමිටුවට පැහැදිලි කිරීමක් සිදුකර ඇති බව වාර්තා වනවා.
දැනට විවිධ පාර්ශවලට රුපියල් බිලියන 650ක් ණය වීම හේතුවෙන් මෙම මිල වැඩිම ඉල්ලා ඇති බවයි විදුලිබල මණ්ඩලය සඳහන් කර තිබෙනවා.
කෙසේවෙතත් මෙම මිල වැඩිකිරීමට ප්රධාන හේතුව විදුලි බල මණ්ඩලය විකිණීමට ආණ්ඩුව තුළ පවතින වුවමනාවයි. එහිදී විදුලි බල මණ්ඩලය පවත්වාගෙන යාමට තමන්ට නොහැකි බව පෙන්වීමට රාජ්ය සුබ සාධන කපා දමා ජනතාව මත බර පැටවීම එහි එක් ක්රියාමාර්ගයකි. අනික් ක්රියාමාර්ගය වන්නේ විදුලි බල මණ්ඩලය මිලදී ගැනීමට බලාපොරොත්තු වෙන ආයතනවලට එය ලාභ ලබන බව පෙන්වීමයි. ‘කවුරුත් පාඩු ආයතන මිලදී ගන්නේ නෑ, ලාභ ඒවා තමයි විකුණන්නේ’ යනුවෙන් සුසිල් ප්රේමජයන්ත පවසා තිබුනේ මේ නිසාවෙනි. විදුලි බල මණ්ඩලය පවත්වාගෙන යාම ජනතාවට බරක් ලෙස හුවා දැක්වීමට උත්සාහ කළද මෙය පෞද්ගලීකරණය කිරීම හරහා ලාභ ලැබීම වෙනුවෙන් ජනතාවට තවත් බර දැරීමට සිදුවෙනු ඇත.
