දැනට මුහුණ දී සිටින ආර්ථික හා දේශපාලන අර්බුදය හමුවේ දිනකට ලබාගන්නා ආහාර ප්‍රමාණය හෝ වේල් ප්‍රමාණය අඩුකර ඇති ප්‍රමාණය සියයට 41.7ක් බව හෙළිව තිබේ. විකල්ප ප්‍රතිපත්ති කේන්ද්‍රය විසින් මේ වසරේ අගෝස්තු මාසයේ මුල් දින කිහිපය තුළ සිදුකල සමීක්ෂණ වාර්තාවකින් මේ බව හෙළිව ඇත.
එසේම ආහාර වේලෙහි ගුණාත්මක බව වෙනස් වීම සහ වෙනදා මිලදී ගත් ආහාර ද්‍රව්‍ය වෙනුවට වෙනත් දේ මිලදී ගැනීම 83.1%ක් වී ඇති බව එම වාර්තාව පෙන්වා දෙයි.
ඖෂධ සඳහා වැයකිරීමේ අපහසුතාවලට මුහුණ දීම 66.3%ක් බව ද මෙම වාර්තාව පෙන්වා දෙයි.
